Bizneske jazalaýdyń ornyna eskertý institýty keńinen qoldanylady. Bul týraly QR Parlamenti palatalarynyń birlesken otyrysynda Qarjy ministri Baqyt Sultanov málim etti, dep habarlaidy Ult.kz tilshisi QazAqparat agenttigine silteme jasap.
«2016 jylǵa arnalǵan biýdjettiń atqarylýy jumys oryndaryn ashý men kásipkerlikti yntalandyrý arqyly ekonomikany jandandyrýǵa baǵyttalǵan bolatyn. Ekonomikanyń ósimi 1 paiyzdy qurady. Ol kólik salasynda kórsetiletin qyzmetterdiń kóleminiń ósýi, aýyl sharýashylyǵynda, qurylysta, onyń ishinde turǵyn-úi qurylysynda, ónim shyǵarýdyń ulǵaiýy esebinen qamtamasyz etildi.
Biýdjettiń kiristeri 7,7 trln. teńgege jetti. Bul 2015 jyldyń kórsetkishterinen 1,5 trln. teńgege kóp. Onyń 30 paiyzy transfertterge keledi. Biýdjet kiristeriniń áli de bolsa Ulttyq qordan tartylatyn transfertter men álemdik shikizat naryǵy koniýnktýrasynyń ózgerýine táýeldiligi týraly sizderdiń aitqan eskertýlerińiz oryndy. Sondyqtan, ekonomikanyń ósýi men ári qarai damýy úshin biraz sharalar josparlanyp otyr. Bul jospardyń nátijeli bolýy úshin biz bizneske qolaily jaǵdai jasap, salyq túsimderiniń joǵary qaitarylymyn saqtap qalýymyz kerek. «Kiris kirmei - shyǵys shyqpaidy» degen mátel bar.Bul rette, jumysymyz salyqtyq túsimderdi ulǵaitý men bizneske ákimshilik qysymdardy azaitý aiasynda ótedi. Máselen, ústimizdegi jyly salyqtyq tekserýlerdi 37,5 paiyzǵa qysqartamyz. Budan basqa, jańa Salyq kodeksi jobasynda osy tekserýlerge sebep bolatyn negizdemelerdiń 56 paiyzy alynyp tastalady. Sonymen, qazirgi 32 normanyń 14-i ǵana qalatyn bolady», - dep toqtaldy ministr.
Onyń sózine qaraǵanda, jalpy salyqtyq tekserýlerde gorizontaldy monitoring engiziledi. Ol senim, ashyqtyq jáne ózara tiimdi printsipteri boiynsha qoldanylady. Salyqtyq ákimshilendirýdegi qyzmetterdi odan ári aqparattandyrý da osy jumysqa oń yqpalyn tigizedi.
«Qarastyrylyp jatqan mańyzdy máseleniń taǵy biri - ol tiimsiz salyqtyq preferentsiialardyń sanyn qysqartý. Ózderińizge belgili, osy jeńildikter biznespen kóbinese salyq tóleýdiń mólsherin azaitý úshin ǵana qoldanylady. Osyǵan bailanysty qosylǵan qun, korporativtik tabys salyqtary jáne de jergilikti salyqtar boiynsha qoldanystaǵy jeńildikter qaitadan qaralady. Budan basqa, Ákimshilik quqyq buzýshylyq kodeksine gýmanizatsiia aiasynda tiisti ózgerister engizilý qarastyrylýda. Onyń eń bastysy - ol ákimshilik aiyppuldyń kólemin qysqartý men jazalaýdyń ornyna eskertý institýtyn keńinen qoldaný», - dedi B. Sultanov.
