Qazaqstan Respýblikasy Premer-Ministriniń orynbasary – Saýda jáne integratsiia ministri Baqyt Sultanov beinekonferentsiia rejiminde Qyrǵyz Respýblikasy Ministrler Kabineti Tóraǵasynyń Birinshi orynbasary Arzybek Qojoshevpen kelissózder júrgizdi, dep habarlaidy "Ult aqparat".
Saýda jáne integratsiia ministrligi baspasóz qyzmetiniń habarlaýynsha, kezdesý barysynda 16 aqpanda Almaty qalasynda ótken Qazaqstan Respýblikasy men Qyrǵyz Respýblikasy arasyndaǵy saýda-ekonomikalyq yntymaqtastyq jónindegi jumys tobynyń birinshi otyrysynyń hattamasyn oryndaý, atap aitqanda, ózara júk tasymaly, onyń ishinde Qyrǵyz Respýblikasynyń aýmaǵynan Qazaqstan Respýblikasyna, Resei Federatsiiasyna jiberiletin jáne keri baǵyttaǵy júk avtokólik quraldarynyń ótýi týraly máseleler talqylandy.
Kezdesý qorytyndysy boiynsha taraptar eki el shekarasynda júk avtokólik quraldarynyń jinalýyna jol bermeý, esepke alynbaǵan taýarlardy ákelýge jáne áketýge jol bermeý boiynsha birlesken sharalar qabyldaý, sondai-aq elektrondyq shot-faktýralar bolmaǵan jaǵdaida avtokólik quraldaryn Qyrǵyz Respýblikasynyń aýmaǵyna qaitarý týraly birqatar ýaǵdalastyqtarǵa qol jetkizdi.
«Sonymen qatar, ózara júk tasymaldary salasynda týyndaityn problemalardy monitoringileý jáne jedel sheshý maqsatynda ai saiynǵy negizde osyndai kelissózder júrgizý týraly sheshim qabyldandy»,-delingen habarlamada.
