قازاقستان رەسپۋبليكاسى پرەمەر-مينيسترٸنٸڭ ورىنباسارى – ساۋدا جەنە ينتەگراتسييا مينيسترٸ باقىت سۇلتانوۆ بەينەكونفەرەنتسييا رەجيمٸندە قىرعىز رەسپۋبليكاسى مينيسترلەر كابينەتٸ تٶراعاسىنىڭ بٸرٸنشٸ ورىنباسارى ارزىبەك قوجوشەۆپەن كەلٸسسٶزدەر جٷرگٸزدٸ, دەپ حابارلايدى "ۇلت اقپارات".
ساۋدا جەنە ينتەگراتسييا مينيسترلٸگٸ باسپاسٶز قىزمەتٸنٸڭ حابارلاۋىنشا, كەزدەسۋ بارىسىندا 16 اقپاندا الماتى قالاسىندا ٶتكەن قازاقستان رەسپۋبليكاسى مەن قىرعىز رەسپۋبليكاسى اراسىنداعى ساۋدا-ەكونوميكالىق ىنتىماقتاستىق جٶنٸندەگٸ جۇمىس توبىنىڭ بٸرٸنشٸ وتىرىسىنىڭ حاتتاماسىن ورىنداۋ, اتاپ ايتقاندا, ٶزارا جٷك تاسىمالى, ونىڭ ٸشٸندە قىرعىز رەسپۋبليكاسىنىڭ اۋماعىنان قازاقستان رەسپۋبليكاسىنا, رەسەي فەدەراتسيياسىنا جٸبەرٸلەتٸن جەنە كەرٸ باعىتتاعى جٷك اۆتوكٶلٸك قۇرالدارىنىڭ ٶتۋٸ تۋرالى مەسەلەلەر تالقىلاندى.
كەزدەسۋ قورىتىندىسى بويىنشا تاراپتار ەكٸ ەل شەكاراسىندا جٷك اۆتوكٶلٸك قۇرالدارىنىڭ جينالۋىنا جول بەرمەۋ, ەسەپكە الىنباعان تاۋارلاردى ەكەلۋگە جەنە ەكەتۋگە جول بەرمەۋ بويىنشا بٸرلەسكەن شارالار قابىلداۋ, سونداي-اق ەلەكتروندىق شوت-فاكتۋرالار بولماعان جاعدايدا اۆتوكٶلٸك قۇرالدارىن قىرعىز رەسپۋبليكاسىنىڭ اۋماعىنا قايتارۋ تۋرالى بٸرقاتار ۋاعدالاستىقتارعا قول جەتكٸزدٸ.
«سونىمەن قاتار, ٶزارا جٷك تاسىمالدارى سالاسىندا تۋىندايتىن پروبلەمالاردى مونيتورينگٸلەۋ جەنە جەدەل شەشۋ ماقساتىندا اي سايىنعى نەگٸزدە وسىنداي كەلٸسسٶزدەر جٷرگٸزۋ تۋرالى شەشٸم قابىلداندى»,-دەلٸنگەن حابارلامادا.
