2020 jyly pandemiia saldarynan Qazaqstan taýarlary eksportqa shyǵarylatyn naryqtar 190-nan 119 elge qysqardy. Bul týraly Sheteldik investorlar keńesiniń 33-jalpy otyrysynda QR Saýda jáne integratsiia ministri Baqyt Sultanov aitty, dep habarlaidy QazAqparat.
«COVID-19-dan týyndaǵan ekonomikalyq jáne áleýmettik kúizelis búkil álemdik saýdaǵa, onyń ishinde qazaqstandyq ónim eksportyna aitarlyqtai áserin tigizdi. Daǵdarys qazaqstandyq eksporttyń geogrfiiasyna da yqpal etti. Pandemiialyq 2020 jyly sońǵy 3 jylda óz ónimderimizdi jetkizip júrgen elderdiń sanyn 190-nan 119-ǵa deiin qysqardy. Bul qosylǵan qun tizbeginiń ózgerýine, úshinshi elderdiń arasyndaǵy sanktsiialyq teketiresterge, saýda seriktesterdiń taýarlardy tasymaldaýdaǵy karantindik shekteýlerine bailanysty oryn aldy. Degenmen Bagam araldary, Kamerýn, Sýdan, Bosniia men Gertsegovina, Salvador, Nikaragýa, Kaiman araldary, Gaiana syndy jańa naryqtar ashyldy»,- dedi ministr.
Onyń atap ótýinshe, karantindik shekteýler men jetkizý tizbegindegi irkilis aýyl sharýashylyǵy taýarlary saýdasyna qatty áser ete qoiǵan joq. Álem elderdiń bazalyq azyq-túlikterdi kóptep satyp alýyna bailanysty Qazaqstan aýyl sharýashylyǵy ónimderiniń eksportyn 18,1 paiyzǵa arttyrdy. Degenmen, lokdaýn ýaqytynda azyq-túlik emes taýarlaryna suranys 20 paiyzǵa tómendep ketti.
«Tolyqtai alǵanda, eksporttalatyn taýarlar pozitsiiasy 2020 jyldyń ishinde 5,8 paiyzǵa qysqardy», - dedi Baqyt Sultanov.
