2020 جىلى پاندەمييا سالدارىنان قازاقستان تاۋارلارى ەكسپورتقا شىعارىلاتىن نارىقتار 190-نان 119 ەلگە قىسقاردى. بۇل تۋرالى شەتەلدٸك ينۆەستورلار كەڭەسٸنٸڭ 33-جالپى وتىرىسىندا قر ساۋدا جەنە ينتەگراتسييا مينيسترٸ باقىت سۇلتانوۆ ايتتى, دەپ حابارلايدى قازاقپارات.
«COVID-19-دان تۋىنداعان ەكونوميكالىق جەنە ەلەۋمەتتٸك كٷيزەلٸس بٷكٸل ەلەمدٸك ساۋداعا, ونىڭ ٸشٸندە قازاقستاندىق ٶنٸم ەكسپورتىنا ايتارلىقتاي ەسەرٸن تيگٸزدٸ. داعدارىس قازاقستاندىق ەكسپورتتىڭ گەوگرفيياسىنا دا ىقپال ەتتٸ. پاندەمييالىق 2020 جىلى سوڭعى 3 جىلدا ٶز ٶنٸمدەرٸمٸزدٸ جەتكٸزٸپ جٷرگەن ەلدەردٸڭ سانىن 190-نان 119-عا دەيٸن قىسقاردى. بۇل قوسىلعان قۇن تٸزبەگٸنٸڭ ٶزگەرۋٸنە, ٷشٸنشٸ ەلدەردٸڭ اراسىنداعى سانكتسييالىق تەكەتٸرەستەرگە, ساۋدا سەرٸكتەستەردٸڭ تاۋارلاردى تاسىمالداۋداعى كارانتيندٸك شەكتەۋلەرٸنە بايلانىستى ورىن الدى. دەگەنمەن باگام ارالدارى, كامەرۋن, سۋدان, بوسنييا مەن گەرتسەگوۆينا, سالۆادور, نيكاراگۋا, كايمان ارالدارى, گايانا سىندى جاڭا نارىقتار اشىلدى»,- دەدٸ مينيستر.
ونىڭ اتاپ ٶتۋٸنشە, كارانتيندٸك شەكتەۋلەر مەن جەتكٸزۋ تٸزبەگٸندەگٸ ٸركٸلٸس اۋىل شارۋاشىلىعى تاۋارلارى ساۋداسىنا قاتتى ەسەر ەتە قويعان جوق. ەلەم ەلدەردٸڭ بازالىق ازىق-تٷلٸكتەردٸ كٶپتەپ ساتىپ الۋىنا بايلانىستى قازاقستان اۋىل شارۋاشىلىعى ٶنٸمدەرٸنٸڭ ەكسپورتىن 18,1 پايىزعا ارتتىردى. دەگەنمەن, لوكداۋن ۋاقىتىندا ازىق-تٷلٸك ەمەس تاۋارلارىنا سۇرانىس 20 پايىزعا تٶمەندەپ كەتتٸ.
«تولىقتاي العاندا, ەكسپورتتالاتىن تاۋارلار پوزيتسيياسى 2020 جىلدىڭ ٸشٸندە 5,8 پايىزعا قىسقاردى», - دەدٸ باقىت سۇلتانوۆ.
