Syrtqy saýdadaǵy kedergiler joiyldy. Bul týraly halyq aldynda esep berýi barysynda Saýda jáne integratsiia ministri Baqyt Sultanov aitty, dep habarlaidy QazAqparat.
Vedomstvo basshysy kelissóz júrgizý barysynda Ministrliktiń bir jyl jumysy ishinde EAEO aiasynda saýdadaǵy 16 kedergini joiýǵa qol jetkizgenin aitty. Sonymen qatar, Qazaqstannyń «Kedergi sipattary týraly ótinishti» EEK-da qaraý merzimin 3 aiǵa deiin qysqartýǵa qol jetkizildi. Buryn osy protsess jyl boiy sozbalańǵa salynatyn.
Onyń sózine qaraǵanda, sertifikattaý máselesi óte mańyzdy. Eýraziialyq ekonomikalyq odaq keńistiginde seriialyq ónimniń shyǵý orny týraly sertifikat júiesin engizýge qol jetkizildi. Endi qazaqstandyq eksporttaýshylarǵa, mysaly, sút ónimine ár eksporttyq airan partiiasyna sertifikat alyp keregi joq.
«Qazirgi kezde kórshilis Ózbekstanmen tehnikalyq retteý men sáikestikti baǵalaýda múddelerdi túiistirý máselesin pysyqtap jatyrmyz. Biz Tashkentti Ortalyq Aziiadaǵy negizgi seriktes jáne iri naryq retinde qarastyramyz», - dedi ministr.
