- QR Qarjy ministri Baqyt Sultanov qandai baǵynyshty kásiporyndar jabylatynyn aitty, dep habarlaidy Ult.kz tilshisi QazAqparat agenttigine silteme jasap.
«Búgin men Úkimet otyrysynda baǵynyshty kásiporyndardy ońtailandyrý barysynda birneshe tetikter qoldanylatynyn aittym. Onyń biri - ol jeke sektorǵa satý jáne senimgerlik basqarýǵa usyný jolymen shyǵarý. Sonymen qatar qaita qurý men kásiporyndy jabý tásilderi de bar. Bul memlekettiń naryqtyq alańnan shyǵýyna jáne ony jeke bastamalar úshin tazartýǵa jaqsy ádis bolyp tabylady. Taldaý nátijesi boiynsha 243 uiym taratylatyn bolady», - dedi ministr Úkimet otyrysynan keiingi baspasóz máslihatynda. Osy rette ministr «Jumys oryndary qysqara ma?» degen saýalǵa da jaýap berdi. «Taldaýǵa súiensek, bulardyń barlyǵy áreketsiz kásiporyndar ekeni anyqtaldy, ol oryndarda múldem ujymdary joq. Olardyń arasynda áleýmettik salada da óziniń qyzmetin júzege asyrǵan uiymdar bar. Bul rette búginde jumys istemei turǵan otbasylyq dárigerlik ambýlatoriialar, aýdandardaǵy balalar men jasóspirimder klýbtary bar», - dedi ol.
Sultanovtyń aitýynsha, olardyń arasynda arnaiy baǵdarlamalar men maqsattardy iske asyrý úshin qurylǵan kásiporyndar kezdesedi.
Budan bólek, jańa erejege sáikes, eger de satylymǵa úsh ret qoiylǵanymen, satyp alynbasa, onda olar taratylýǵa jatqyzylady.
Osy oraida Almatydaǵy emdeý-diagnostikalyq ortalyǵy, Semeidegi «Eńlik-Kebek» kinoteatry, sondai-aq birqatar kásiporyndar qamtylǵan.
«Atap aitqanda, árdaiym áleýmettik aspektiler qarastyrylady jáne osy kásiporyndar qysqa merzimde jabylady», - dep naqtylady ministr.
Budan buryn habarlanǵandai, B. Sultanov búgingi tańda memlekettik menshikte 7 myńǵa jýyq uiym jumys isteitinin, olar - memlekettik kásiporyndar, aktsionerlik qoǵamdar, jaýapkershiligi shekteýli seriktestikter ekenin jetkizdi.
«Túgendeý jónindegi tapsyrmanyń aiasynda ákimderdiń orynbasarlaryn shaqyra otyryp jáne «Atameken» Ulttyq kásipkerler palatasynyń qatysýymen 16 oblys jáne 177 aýdan tyńdaldy. 6 751 uiymnyń ishinen ár nysan qaraldy. Sondai-aq 376 respýblikalyq menshik uiymy boiynsha 22 ministrlik pen vedomstvo baiandady», - dedi ol. Ministrdiń atap ótýinshe, túgendeý nátijeleri boiynsha memlekettik menshikti ońtailandyrý 2 kezeńmen júrgiziledi. Aldymenen memlekettik menshik uiymdarynyń sany 1 myńnan asa uiymǵa nemese 16 paiyzǵa qysqarady. Ekinshi kezeńde taǵy 4 600-ge jýyq uiymǵa nemese bastapqy sanynan 65 paiyzǵa azaitý usynylady.
