QR Úkimetindegiler ázirshe 65 million eýro turatyn páterdi kimniń satyp alǵanyn aita almai otyr, - dep habarlaidy KTK.
Vitse-premer Erbolat Dosaev jýrnalisterden jasyrynýdy jón kórdi.
"Ne týraly aityp jatqandaryńyzdy túsinip turǵan joqpyn. Ol málimetti eshkim rastaǵan joq. Men de bilmeimin. Ol sizder ósekke senip júrsizder", - dep jaýap berdi vitse-premer.
Al qarjy ministri Baqyt Sultanov óz kezeginde qymbat múlik jaily estigenin biraq onyń iesi kim ekenin bilmeitinin aityp otyr. Aitýynsha, qolastyndaǵy qyzmetkerler mindetti túrde tekseris júrgizedi.
"Biz de bul týraly sheteldik derekkózderden, sondai-aq, sizderden, jýrnalisterden, estidik. Memlekettik kirister komiteti jaily aitatyn bolsaq, olar jyl saiyn syrtqy esepshotty jáne deklaratsiialarda kórsetilgen sheteldegi múlikterge qatysty málimetterdi tekserip otyrady. Páterdi kimniń satyp alǵanyn sol deklaratsiialar boiynsha izdestiretin bolamyz", - dedi ministr.
"Bárimiz estidik. Bir rieltorler Úkimettiń ókili satyp aldy degen. Salyq júiesinde halyqaralyq aqparat almasý týraly shart bar. Tiisti suraýdy jiberdik", - dedi Sultanov.
Eske sala keteiik, osydan birneshe kún buryn Mansion Global jyljymaityn múlik halyqaralyq agenttiginiń saitynda Qazaqstan úkimetiniń resmi ókiliniń Parijden páter satyp alǵany jaily málimet paida bolǵan edi.
