Bokstan 2008 jylǵy Olimpiada chempiony Baqyt Sársekbaev 2004 jylǵy Olimpiada jeńimpazy, qazir Qazaqstan boks federatsiiasynyń vitse-prezidenti Baqtiiar Artaevty bapkerlik synaqqa shaqyrdy, - dep habarlaidy Tengrinews.kz agenttigi Vesti.kz saityna silteme jasap.
Bokstan Qazaqstan áielder quramasyndaǵy janjalǵa bailanysty Sársekbaev boksshy Angelina Lýkasty otandasy Nazym Qyzaibaiǵa qarsy jekpe-jekke daiyndaýǵa keliskenin aitty.
"Lýkastyń halyq aldynda bedelin túsirip, mazaq etýge tyrysyp jatyr, ókinishti. Maratbek Myqtybekov pen Baqtiiar Artaev jaǵdaidy túsinbesten moinyna tym kóp jaýapkershilik aldy. Meniń úndeýimdi videodan tyńdańyzdar", - dep jazdy Sársekbaev Instagram jelisindegi paraqshasynda.
"Bizde áielder boksynda áńgimemen jekpe-jek bolyp jatyr. Baqtiiar Artaev, men saǵan Nazym Qyzaibaidy daiyndaýdy usynamyn, men Angelina Lýkasty daiyndaimyn. Sonda jeńimpaz kim bolatynyn kóremiz", - dedi Sársekbaev.
Áielder quramasyndaǵy janjal Lýkas ulttyq quramadaǵy jaǵdai nashar ekenin aityp, Qazaqstan Prezidenti men Elbasyǵa júgingennen keiin bastalǵan. Sportshy quramadaǵy áriptesi Qyzaibaidy doping qoldandy dep aiyptaǵan bolatyn.
Sondai-aq, onyń aitýynsha, Artaev ony Qazaqstan quramasynan zańsyz shyǵarǵan. Osydan keiin "Lýkas isin" Mádeniet jáne sport ministrligi óz qolyna alǵan. Buǵan deiin osyǵan uqsas shaǵymdy Qyzaibaidyń ózi aitqan bolatyn.
