بوكستان 2008 جىلعى وليمپيادا چەمپيونى باقىت سەرسەكباەۆ 2004 جىلعى وليمپيادا جەڭٸمپازى, قازٸر قازاقستان بوكس فەدەراتسيياسىنىڭ ۆيتسە-پرەزيدەنتٸ باقتييار ارتاەۆتى باپكەرلٸك سىناققا شاقىردى, - دەپ حابارلايدى Tengrinews.kz اگەنتتٸگٸ Vesti.kz سايتىنا سٸلتەمە جاساپ.
بوكستان قازاقستان ەيەلدەر قۇراماسىنداعى جانجالعا بايلانىستى سەرسەكباەۆ بوكسشى انگەلينا لۋكاستى وتانداسى نازىم قىزايبايعا قارسى جەكپە-جەككە دايىنداۋعا كەلٸسكەنٸن ايتتى.
"لۋكاستىڭ حالىق الدىندا بەدەلٸن تٷسٸرٸپ, مازاق ەتۋگە تىرىسىپ جاتىر, ٶكٸنٸشتٸ. ماراتبەك مىقتىبەكوۆ پەن باقتييار ارتاەۆ جاعدايدى تٷسٸنبەستەن موينىنا تىم كٶپ جاۋاپكەرشٸلٸك الدى. مەنٸڭ ٷندەۋٸمدٸ ۆيدەودان تىڭداڭىزدار", - دەپ جازدى سەرسەكباەۆ Instagram جەلٸسٸندەگٸ پاراقشاسىندا.
"بٸزدە ەيەلدەر بوكسىندا ەڭگٸمەمەن جەكپە-جەك بولىپ جاتىر. باقتييار ارتاەۆ, مەن ساعان نازىم قىزايبايدى دايىنداۋدى ۇسىنامىن, مەن انگەلينا لۋكاستى دايىندايمىن. سوندا جەڭٸمپاز كٸم بولاتىنىن كٶرەمٸز", - دەدٸ سەرسەكباەۆ.
ەيەلدەر قۇراماسىنداعى جانجال لۋكاس ۇلتتىق قۇراماداعى جاعداي ناشار ەكەنٸن ايتىپ, قازاقستان پرەزيدەنتٸ مەن ەلباسىعا جٷگٸنگەننەن كەيٸن باستالعان. سپورتشى قۇراماداعى ەرٸپتەسٸ قىزايبايدى دوپينگ قولداندى دەپ ايىپتاعان بولاتىن.
سونداي-اق, ونىڭ ايتۋىنشا, ارتاەۆ ونى قازاقستان قۇراماسىنان زاڭسىز شىعارعان. وسىدان كەيٸن "لۋكاس ٸسٸن" مەدەنيەت جەنە سپورت مينيسترلٸگٸ ٶز قولىنا العان. بۇعان دەيٸن وسىعان ۇقساس شاعىمدى قىزايبايدىڭ ٶزٸ ايتقان بولاتىن.
