Nur-Sultan qalasy ákiminiń orynbasary Baqtiiar Máken pandemiianyń ekonomikalyq saldary erekshe áser etkenin málim etti, dep habarlaidy "Ult aqparat".
«Jalpy Qazaqstandaǵy halyqtyń 20 paiyzyn jastar quraidy. Kóptegen jas azamattarǵa pandemiianyń áseri erekshe tigenin jasyra almaimyz. Bul jyl álemge ǵana emes, Qazaqstanǵa da ońaiǵa tigen joq. Halyqaralyq eńbek naryǵynyń baiandamasyna sáikes pandemiia bastalǵaly beri álemdegi árbir altynshy jas azamat óziniń jumysyn toqtatýǵa májbúr bolǵan nemese jumystan shyǵyp qalǵan. Jastardyń kóbi qyzmet kórsetý men saýda, tehnikalyq retteý salasynda eńbek etedi. Ózderińiz biletindei, Memleket basshysynyń tapsyrmasymen Úkimet daǵdarysqa qarsy sharalardy engizdi. Daǵdarysqa qarsy sharalar aiasynda Jumyspen qamtý baǵdarlamasy bizge kóp kómektesti. Biz bul jumysty jalǵastyramyz», - dedi Baqtiiar Máken onlain rejimde «Bolashaq» qaýymdastyǵynyń uiymdastyrýymen ótken «Jastar jáne innovatsiialar» forýmynda.
Onyń aitýynsha, pandemiianyń saldarynan ekonomika zardap shekkendikten, al bul óz kezeginde jastarǵa keri áserin tigizetindikten eń aldymen olardyń jumyssyz qalmaýyna basa mán berý kerek.
«Tehnikalyq retteý, saýda men qyzmet kórsetý salasynda jumysyn jalǵastyryp jatqandardyń ózi biyl tabysynyń 42 paiyzynan aiyryldy. Sol úshin jastarǵa barynsha qoldaý kórsetý kerek», - dedi ol.
