نۇر-سۇلتان قالاسى ەكٸمٸنٸڭ ورىنباسارى باقتييار مەكەن پاندەمييانىڭ ەكونوميكالىق سالدارى ەرەكشە ەسەر ەتكەنٸن مەلٸم ەتتٸ, دەپ حابارلايدى "ۇلت اقپارات".
«جالپى قازاقستانداعى حالىقتىڭ 20 پايىزىن جاستار قۇرايدى. كٶپتەگەن جاس ازاماتتارعا پاندەمييانىڭ ەسەرٸ ەرەكشە تيگەنٸن جاسىرا المايمىز. بۇل جىل ەلەمگە عانا ەمەس, قازاقستانعا دا وڭايعا تيگەن جوق. حالىقارالىق ەڭبەك نارىعىنىڭ بايانداماسىنا سەيكەس پاندەمييا باستالعالى بەرٸ ەلەمدەگٸ ەربٸر التىنشى جاس ازامات ٶزٸنٸڭ جۇمىسىن توقتاتۋعا مەجبٷر بولعان نەمەسە جۇمىستان شىعىپ قالعان. جاستاردىڭ كٶبٸ قىزمەت كٶرسەتۋ مەن ساۋدا, تەحنيكالىق رەتتەۋ سالاسىندا ەڭبەك ەتەدٸ. ٶزدەرٸڭٸز بٸلەتٸندەي, مەملەكەت باسشىسىنىڭ تاپسىرماسىمەن ٷكٸمەت داعدارىسقا قارسى شارالاردى ەنگٸزدٸ. داعدارىسقا قارسى شارالار اياسىندا جۇمىسپەن قامتۋ باعدارلاماسى بٸزگە كٶپ كٶمەكتەستٸ. بٸز بۇل جۇمىستى جالعاستىرامىز», - دەدٸ باقتييار مەكەن ونلاين رەجيمدە «بولاشاق» قاۋىمداستىعىنىڭ ۇيىمداستىرۋىمەن ٶتكەن «جاستار جەنە يننوۆاتسييالار» فورۋمىندا.
ونىڭ ايتۋىنشا, پاندەمييانىڭ سالدارىنان ەكونوميكا زارداپ شەككەندٸكتەن, ال بۇل ٶز كەزەگٸندە جاستارعا كەرٸ ەسەرٸن تيگٸزەتٸندٸكتەن ەڭ الدىمەن ولاردىڭ جۇمىسسىز قالماۋىنا باسا مەن بەرۋ كەرەك.
«تەحنيكالىق رەتتەۋ, ساۋدا مەن قىزمەت كٶرسەتۋ سالاسىندا جۇمىسىن جالعاستىرىپ جاتقانداردىڭ ٶزٸ بيىل تابىسىنىڭ 42 پايىزىنان ايىرىلدى. سول ٷشٸن جاستارعا بارىنشا قولداۋ كٶرسەتۋ كەرەك», - دەدٸ ول.
