Belgili boksshy, Afina Olimpiadasynyń chempiony, Vel Barker kýbogynyń iegeri Baqtiiar Artaev QR Boks federatsiiasynyń vitse-prezidenttiginen jáne memlekettik jattyqtyrýshy qyzmetinen ketti, dep habarlaidy QazAqparat tilshisi.
Bul málimetti sportshynyń ózi rastady.
«Qyzmetten ketip jatqanymdy rastaimyn. Biraq sebebi týraly ázirge eshteńe aita almaimyn», - dep qysqa qaiyrdy sport menedjeri.
Baqtiiar Artaev 1983 jyly 14 naýryzda Taraz qalasynda týǵan. Bokspen 10 jasynan bastap ainalysqan.
2004 jyly Grekiiada ótken Olimpiada oiyndarynyń shirek finalynda eki dúrkin Olimpiada chempiony reseilik Oleg Saitovty jeńdi.
Al finalda Artaev Kýbanyń eki dúrkin álem chempiony Lorentso Aragonnan basym bolyp, «altynnan» alqa taqty.
«Barys» ordenimen marapattalǵan.
Sońǵy bir jarym jyl Qazaqstan boks quramasynyń memlekettik jattyqtyrýshysy qyzmetin atqaryp keldi.
