Qazaqstannan Bahreinge qyzdardy jezekshelik úshin jiberýmen ainalysqan transulttyq uiymdasqan topty basqarǵan áiel ekstraditsiialandy, dep habarlaidy "Ult aqparat" Bas prokýratýranyń baspasóz qyzmetine silteme jasap.
«2021 jylǵy 5 maýsymda Bas prokýratýra men Interpol qyzmetkerleri Qazaqstan Respýblikasy Syrtqy ister ministrliginiń kómegimen Bahrein Koroldiginen Zarifa Osmanovany ekstraditsiialady.
Oǵan Qazaqstannan Bahreinge qyzdardy jynystyq qatynastarǵa túsý maqsatynda paidalaný úshin jiberýdi júzege asyrǵan transulttyq uiymdasqan topty basqarǵan degen kúdik keltirilýde», delingen habarlamada.
Eske sala ketsek, qylmys jasalǵannan keiin Z.Osmanova qylmystyq qýdalaý organdarynan jasyryndy, sol úshin halyqaralyq izdeýge jariialanǵan.
Qazirgi ýaqytta ol Nur-Sultan qalasynyń tergeý izoliatoryna qamaýǵa alyndy.
Eske sala keteiik, byltyr seksýaldyq quldyq úshin Qazaqstannan Bahreinge qyzdardy jetkizgen qylmystyq toptyń áreketi áshkere boldy.
2020 jyly aqpanda QR SIM málimetinshe, Qazaqstannyń Saýd Arabiiasyndaǵy Elshiliginiń járdemimen Bahrein politsiiasy 21 QR azamatshasyn seksýaldyq quldyqtan bosatty.
Qylmyskerler adamdardyń senimine kirip, shetelde kóp aqsha tabýǵa bolatyny jóninde ótirik sózge sendirgen. Boijetkender keliskennen keiin olardyń qujatyn rásimdeý, zardap shegýshilerdi, onyń ishinde kámeletke tolmaǵandardy zańdy jolmen Bahrein Koroldigine alyp shyǵýdy uiymdastyrǵan.
QR Syrtqy ister ministrliginiń resmi ókili Aibek Smadiiarov osy ispen ainalysqan qylmystyq toptyń quramynda Qazaqstan azamaty bolǵanyn málimdedi.
«Jalpy, zardap shekken 39 adamdy anyqtadyq, olar Shymkent qalasy men Túrkistan oblysynyń turǵyndary. Qazirgi kezde qylmystyq is boiynsha kúdikti retinde 19 adam tanyldy. Olardyń arasynda úsheýine izdeý jariialandy», - dedi QR Ishki ister ministrligi Tergeý departamentiniń basshysy Sanjar Ádilov.
2020 jyly qyrkúiek aiynda osy oqiǵa boiynsha QR 135-baby 4-bóligi 2-tarmaǵy (kámeletke tolmaǵandardyń saýdasy) jáne 128-baby 3-bóligi (adam saýdasy) boiynsha sotqa deiingi tergeý amaldary júrgizildi. QR IIM málimetinshe, uiymdastyrýshylar keibiri ustalǵan.
