قازاقستاننان باحرەينگە قىزداردى جەزەكشەلٸك ٷشٸن جٸبەرۋمەن اينالىسقان ترانسۇلتتىق ۇيىمداسقان توپتى باسقارعان ەيەل ەكستراديتسييالاندى, دەپ حابارلايدى "ۇلت اقپارات" باس پروكۋراتۋرانىڭ باسپاسٶز قىزمەتٸنە سٸلتەمە جاساپ.
«2021 جىلعى 5 ماۋسىمدا باس پروكۋراتۋرا مەن ينتەرپول قىزمەتكەرلەرٸ قازاقستان رەسپۋبليكاسى سىرتقى ٸستەر مينيسترلٸگٸنٸڭ كٶمەگٸمەن باحرەين كورولدٸگٸنەن زاريفا وسمانوۆانى ەكستراديتسييالادى.
وعان قازاقستاننان باحرەينگە قىزداردى جىنىستىق قاتىناستارعا تٷسۋ ماقساتىندا پايدالانۋ ٷشٸن جٸبەرۋدٸ جٷزەگە اسىرعان ترانسۇلتتىق ۇيىمداسقان توپتى باسقارعان دەگەن كٷدٸك كەلتٸرٸلۋدە», دەلٸنگەن حابارلامادا.
ەسكە سالا كەتسەك, قىلمىس جاسالعاننان كەيٸن ز.وسمانوۆا قىلمىستىق قۋدالاۋ ورگاندارىنان جاسىرىندى, سول ٷشٸن حالىقارالىق ٸزدەۋگە جارييالانعان.
قازٸرگٸ ۋاقىتتا ول نۇر-سۇلتان قالاسىنىڭ تەرگەۋ يزولياتورىنا قاماۋعا الىندى.
ەسكە سالا كەتەيٸك, بىلتىر سەكسۋالدىق قۇلدىق ٷشٸن قازاقستاننان باحرەينگە قىزداردى جەتكٸزگەن قىلمىستىق توپتىڭ ەرەكەتٸ ەشكەرە بولدى.
2020 جىلى اقپاندا قر سٸم مەلٸمەتٸنشە, قازاقستاننىڭ ساۋد ارابيياسىنداعى ەلشٸلٸگٸنٸڭ جەردەمٸمەن باحرەين پوليتسيياسى 21 قر ازاماتشاسىن سەكسۋالدىق قۇلدىقتان بوساتتى.
قىلمىسكەرلەر ادامداردىڭ سەنٸمٸنە كٸرٸپ, شەتەلدە كٶپ اقشا تابۋعا بولاتىنى جٶنٸندە ٶتٸرٸك سٶزگە سەندٸرگەن. بويجەتكەندەر كەلٸسكەننەن كەيٸن ولاردىڭ قۇجاتىن رەسٸمدەۋ, زارداپ شەگۋشٸلەردٸ, ونىڭ ٸشٸندە كەمەلەتكە تولماعانداردى زاڭدى جولمەن باحرەين كورولدٸگٸنە الىپ شىعۋدى ۇيىمداستىرعان.
قر سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ وسى ٸسپەن اينالىسقان قىلمىستىق توپتىڭ قۇرامىندا قازاقستان ازاماتى بولعانىن مەلٸمدەدٸ.
«جالپى, زارداپ شەككەن 39 ادامدى انىقتادىق, ولار شىمكەنت قالاسى مەن تٷركٸستان وبلىسىنىڭ تۇرعىندارى. قازٸرگٸ كەزدە قىلمىستىق ٸس بويىنشا كٷدٸكتٸ رەتٸندە 19 ادام تانىلدى. ولاردىڭ اراسىندا ٷشەۋٸنە ٸزدەۋ جارييالاندى», - دەدٸ قر ٸشكٸ ٸستەر مينيسترلٸگٸ تەرگەۋ دەپارتامەنتٸنٸڭ باسشىسى سانجار ەدٸلوۆ.
2020 جىلى قىركٷيەك ايىندا وسى وقيعا بويىنشا قر 135-بابى 4-بٶلٸگٸ 2-تارماعى (كەمەلەتكە تولماعانداردىڭ ساۋداسى) جەنە 128-بابى 3-بٶلٸگٸ (ادام ساۋداسى) بويىنشا سوتقا دەيٸنگٸ تەرگەۋ امالدارى جٷرگٸزٸلدٸ. قر ٸٸم مەلٸمەتٸنشە, ۇيىمداستىرۋشىلار كەيبٸرٸ ۇستالعان.
