15 qyrkúiek kúni Aq úide Birikken Arab Ámirlikteri men Bahrein ókilderi Izrailmen beibit kelisimderge qol qoidy, dep habarlaidy Reuters agenttigi.
Seisenbi kúni Aq úide BAÁ syrtqy ister jáne halyqaralyq yntymaqtastyq ministri Abdalla ben Zaid Ál-Nahaiian men Bahrein eliniń syrtqy ister ministri Ábdel Latif áz-Zaiani Izrail premer-ministri Biniamin Netaniahýmen qatynastardy retteý týraly kelisimge qol qoidy. AQSh prezidenti Donald Tramp bul kúndi «búkil Taiaý Shyǵys úshin tarihi kún» dep atap, «onyń múmkin bolatynyna eshkim senbegenin» atap ótti.
Amerika kóshbasshysy Izrail premerine Aq úidiń atynan simvolikalyq kiltti tabystap, BAÁ men Bahreinnen taǵy 5-6 el úlgi alýy múmkin ekenin qosyp ótti. Bul rette ol naqty memleketterdi ataǵan joq.
13 tamyzda BAÁ men Izrail qatynastardy retteý, sonyń ishinde diplomatiialyq qatynastardy ornatý týraly kelisti. Ábý-Dabi Izraildiń ekonomikalyq boikotyn toqtatty, onyń ornyna Izrail Iordan ózeniniń Batys jaǵalaýyndaǵy aýmaqta eldigin ornatýdy toqtatýǵa nietti.
Eske sala ketsek, 11 qyrkúiekte Bahrein men Izrail diplomatiialyq qatynastar ornatatyny týraly jariia etti.
Buǵan deiin arab áleminde Izraildi tek Mysyr men Iordaniia moiyndaǵan edi.
