15 قىركٷيەك كٷنٸ اق ٷيدە بٸرٸككەن اراب ەمٸرلٸكتەرٸ مەن باحرەين ٶكٸلدەرٸ يزرايلمەن بەيبٸت كەلٸسٸمدەرگە قول قويدى, دەپ حابارلايدى Reuters اگەنتتٸگٸ.
سەيسەنبٸ كٷنٸ اق ٷيدە باە سىرتقى ٸستەر جەنە حالىقارالىق ىنتىماقتاستىق مينيسترٸ ابداللا بەن زايد ەل-ناحاييان مەن باحرەين ەلٸنٸڭ سىرتقى ٸستەر مينيسترٸ ەبدەل لاتيف ەز-زاياني يزرايل پرەمەر-مينيسترٸ بينيامين نەتانياحۋمەن قاتىناستاردى رەتتەۋ تۋرالى كەلٸسٸمگە قول قويدى. اقش پرەزيدەنتٸ دونالد ترامپ بۇل كٷندٸ «بٷكٸل تاياۋ شىعىس ٷشٸن تاريحي كٷن» دەپ اتاپ, «ونىڭ مٷمكٸن بولاتىنىنا ەشكٸم سەنبەگەنٸن» اتاپ ٶتتٸ.
امەريكا كٶشباسشىسى يزرايل پرەمەرٸنە اق ٷيدٸڭ اتىنان سيمۆوليكالىق كٸلتتٸ تابىستاپ, باە مەن باحرەيننەن تاعى 5-6 ەل ٷلگٸ الۋى مٷمكٸن ەكەنٸن قوسىپ ٶتتٸ. بۇل رەتتە ول ناقتى مەملەكەتتەردٸ اتاعان جوق.
13 تامىزدا باە مەن يزرايل قاتىناستاردى رەتتەۋ, سونىڭ ٸشٸندە ديپلوماتييالىق قاتىناستاردى ورناتۋ تۋرالى كەلٸستٸ. ەبۋ-دابي يزرايلدٸڭ ەكونوميكالىق بويكوتىن توقتاتتى, ونىڭ ورنىنا يزرايل يوردان ٶزەنٸنٸڭ باتىس جاعالاۋىنداعى اۋماقتا ەلدٸگٸن ورناتۋدى توقتاتۋعا نيەتتٸ.
ەسكە سالا كەتسەك, 11 قىركٷيەكتە باحرەين مەن يزرايل ديپلوماتييالىق قاتىناستار ورناتاتىنى تۋرالى جارييا ەتتٸ.
بۇعان دەيٸن اراب ەلەمٸندە يزرايلدٸ تەك مىسىر مەن يوردانييا مويىنداعان ەدٸ.
