Bahrein Izrailmen qarym-qatynasty qalypqa keltirý týraly kelisim jasasatyn tórtinshi arab eli bolady, dep habarlaidy "Ult aqparat" Deutsche Welle-ge silteme jasap.
AQSh, Bahrein jáne Izraildiń birlesken málimdemesine sáikes, bul - AQSh prezidenti Donald Tramptyń Beniamin Nataniahý jáne Bahrein Koroli Hamad bin Isa Ál-Halifamen osy jumada ótkizgen kelissózderiniń nátijesi boldy. D. Tramp kelisimdi «tarihi serpilis» dep atady, al Bahrein Egipet, Iordaniia jáne BAÁ-den keiin Izrailmen osyndai kelisim jasasqan tórtinshi arab eli bolady.
BAÁ Bahrein men Izraildiń qarym-qatynas ornatý týraly sheshimin quptady, olar bul aimaqtaǵy jáne búkil álemdegi beibitshilik pen yntymaqtastyqqa oń áser etedi dep úmittenedi.
Bul - qaýipsizdik pen órkendeý dáýirine eleýli qadam, sondai-aq ekonomikalyq, mádeni, ǵylymi jáne diplomatiialyq yntymaqtastyq salasyn keńeitedi», - delingen BAÁ Syrtqy ister ministrliginiń málimdemesinde.
15 qyrkúiekte BAÁ men Izrail qatynastardy qalypqa keltirý týraly kelisimge qol qoiady. Dál sol kúni Bahrein men Izrail kelisimine de qol qoiylady.
