kollaj: Tengrinews.kz
Almaty oblysyndaǵy Baqanas aýylynda Dinmuhamed Qonaevtyń qurmetine eskertkish ashyldy, - dep habarlaidy Tengrinews.kz agenttigi "Habar 24" arnasyna silteme jasap.
Telearna málimetinshe, bul eldi meken jaidan-jai tańdap alynbaǵan. Osy óńirde Qazaqstan Kompartiiasy OK birinshi hatshysynyń arǵy atalary turǵan eken.
Eskertkish biiktigi úsh metrge jýyq, tuǵyrymen eseptegende músin bes metrden asady. Eskertkish avtorlary - músinshi Altai Beisenov pen arhitektor Bekzat Beisenova.
"Ol osy mekendi qatty jaqsy kóretin. Osy jerge kelýdi jaqsy kóretin. Bul jerlerde birge de júrdik. Mahabbaty erekshe edi. Dál Balqash aýdany - bizdiń arǵy atalarymyzdyń mekeni, sondyqtan erekshe qaraityn. Kópir ornatty. Bul jerge eskertkish qoiylýy - tarihi ádildiktiń ornaýy, eńbeginiń baǵalanýy", - dedi Dinmuhamed Qonaevtyń týysy.
Aita keteiik, Qonaevtyń qurmetine eskertkish 2020 jyly ashylýy kerek bolǵan. Alaida Qaznet qoldanýshylary, músinshi men Qonaevtyń týystary ony synap tastaǵan bolatyn.
