كوللاج: Tengrinews.kz
الماتى وبلىسىنداعى باقاناس اۋىلىندا دٸنمۇحامەد قوناەۆتىڭ قۇرمەتٸنە ەسكەرتكٸش اشىلدى, - دەپ حابارلايدى Tengrinews.kz اگەنتتٸگٸ "حابار 24" ارناسىنا سٸلتەمە جاساپ.
تەلەارنا مەلٸمەتٸنشە, بۇل ەلدٸ مەكەن جايدان-جاي تاڭداپ الىنباعان. وسى ٶڭٸردە قازاقستان كومپارتيياسى وك بٸرٸنشٸ حاتشىسىنىڭ ارعى اتالارى تۇرعان ەكەن.
ەسكەرتكٸش بيٸكتٸگٸ ٷش مەترگە جۋىق, تۇعىرىمەن ەسەپتەگەندە مٷسٸن بەس مەتردەن اسادى. ەسكەرتكٸش اۆتورلارى - مٷسٸنشٸ التاي بەيسەنوۆ پەن ارحيتەكتور بەكزات بەيسەنوۆا.
"ول وسى مەكەندٸ قاتتى جاقسى كٶرەتٸن. وسى جەرگە كەلۋدٸ جاقسى كٶرەتٸن. بۇل جەرلەردە بٸرگە دە جٷردٸك. ماحابباتى ەرەكشە ەدٸ. دەل بالقاش اۋدانى - بٸزدٸڭ ارعى اتالارىمىزدىڭ مەكەنٸ, سوندىقتان ەرەكشە قارايتىن. كٶپٸر ورناتتى. بۇل جەرگە ەسكەرتكٸش قويىلۋى - تاريحي ەدٸلدٸكتٸڭ ورناۋى, ەڭبەگٸنٸڭ باعالانۋى", - دەدٸ دٸنمۇحامەد قوناەۆتىڭ تۋىسى.
ايتا كەتەيٸك, قوناەۆتىڭ قۇرمەتٸنە ەسكەرتكٸش 2020 جىلى اشىلۋى كەرەك بولعان. الايدا قازنەت قولدانۋشىلارى, مٷسٸنشٸ مەن قوناەۆتىڭ تۋىستارى ونى سىناپ تاستاعان بولاتىن.
