AQSh prezidenti Donald Tramptyń qyzy Ivanka Tramp Aq úimen hat jazysqanda qyzmettik emes, jeke elektrondyq poshtasyn qoldanǵan bolýy múmkin. Washington Post gazetiniń habarlaýynsha, byltyr prezidenttiń qyzy ári keńesshisi jeke elektrondyq poshtasynan amerikalyq sheneýnikterge júzdegen hat joldaǵan.
Ivanka Tramp jeke pochtadan hat jazýǵa tyiym salynǵanyn "bilmegenin" málimdedi. Prezident qyzynyń zańgerleri jýrnalisterge onyń keide jeke elektrondyq poshtasyn qoldanǵanyn rastady. Zańgerlerdiń aitýynsha, bir de bir hatta qupiia málimet bolmaǵan.
Donald Tramptyń ózi AQSh prezidenti sailaýy qarsańynda Demokratiialyq partiia úmitkeri Hillari Klintondy qyzmettik hat jazǵanda jeke poshtasyn qoldandy dep birneshe ret aiyptaǵan. Osydan keiin Federaldyq tergeý biýrosy prezident sailaýy kezinde Klintonnyń ústinen tergeý júrgizip, ol burynǵy memlekettik hatshynyń reitingine keri áser etken.
