Tashkentte Reseige jumysqa baratyn eńbek migranttarynyń keshendi emtihan tapsyrýyna arnalǵan úsh ortalyq ashylady dep habarlady ózbekstandyq BAQ.
Keshendi emtihan orys tili, Resei tarihy men zańnamalarynyń negizin bilý deńgeiin anyqtaý úshin ótkizilmek. Emtihan aqyly bolady, al ortalyqtar tólenetin aqyny shetel valiýtasymen de qabyldaityn terminaldar ornatýǵa mindettelmek.
Podrobno.uz saitynyń habarlaýynsha, jańa ortalyqtar úkimetaralyq kelisim negizinde qurylady jáne Tashkenttegi úsh joǵary oqý ornynyń janynda jumys isteidi. Emtihannan ótkenderdiń esebi shetelge uzaq merzimge jumys isteýge ketken azamattardyń qoldanystaǵy málimetter bazasyna túsedi.
Bilik keshendi emtihan tapsyrýdy uiymdastyrýdyń erejelerin taiaýdaǵy birneshe aida jariialamaq.
