Germaniiadaǵy aýrýhanada jatqan Kreml synshysy Aleksei Navalnyidy "ýlanardan buryn" Sibirge barǵan saparynda reseilik federaldyq qaýipsizdik qyzmet (FSB) ókilderi ańdyǵan. Reseilik "Moskovskii komsomolets" basylymy osylai dep habarlady.
Reseidiń qaýipsizdik qyzmetindegi derekkózge súiengen basylymnyń jazýynsha, FSB qyzmetkerleri Sibirde Navalnyidyń árbir qadamyn ańdyp otyrǵan. Oppozitsiialyq saiasatkerdiń baspasóz hatshysy Kira Iarmysh 23 tamyzda Twitter jelisinde "ańdý tańdanarlyq nárse emes, tek osyndai aqparattyń egjei-tegjeiine deiin aitylýy tańǵalarlyq nárse" dep jazdy.
Ol buǵan deiin Navalnyi 20 tamyzda Tomsk áýejaiynda shái satyp alyp, ishkennen keiin ýlanǵan dep aitqan edi.
Germaniia politsiiasy 23 tamyzda Navalnyi jatqan aýrýhanadaǵy qaýipsizdikti kúsheitti. Navalnyi Germaniia aýrýhanasyna Angela Merkeldiń qonaǵy esebinde jatqyzylǵan. Nemis basylymdarynyń aqparatyna qaraǵanda mundai mártebe Navalnyidyń qaýipsizdigin barynsha kúsheitýge múmkindik beredi.
44 jastaǵy Navalnyi áli esin jiǵan joq, aýrýhana jetekishiligi diagnostika tolyq aiaqtalyp, nátijesi shyqqan soń ǵana saiasatkerdiń jaǵdaiy týraly aqparat beretinin aitty.
