Qazaqstan kinoteatrlary britandyq «Stalinniń ólimi» komediiasyn kórsetpeitin boldy, - dep habarlady prokatpen ainalysatyn «Volga» kompaniiasynyń ókili Iýliia Fateevaǵa silteme jasaǵan Vlast internet-jýrnaly. «Stalinniń ólimi» Qazaqstanda prokatqa shyqpaidy, sebebi kartinadan barlyq kinoteatrlar bas tartty» degen Fateeva.
Internet basylymynyń óz derekkózine siteme jasap habarlaýynsha, bir kinoteatr jelisi men bir mýltipleks filmdi prokatqa alǵysy kelgenimen, keiin «ainyp» qalǵan. Qazaqstanda filmdi prokatqa shyǵarýǵa ruqsat berilmegen.
Degenmen, Clique Film Festival-diń Facebook-tegi paraqshasynda habarlaýynsha, «Stalinniń ólimi» Almatyda 1 aqpanda «Arman» kionteatrynda kórsetiledi.
"Stalinniń ólimi" – frantsýz komiksi negizinde túsirilgen satirilyq komediia. Rejisser Armando Iannýchchi túsirgen komediianyń álemdik premerasy 2017 jyly qyrkúiekte bolǵan.
Filmde KSRO-da 1953 jyly Stalin ólgen soń bilikke talas baiandalǵan. Negizgi rólderdi Stiv Býshemi, Djeison Aizeks jáne Olga Kýrilenko oinaǵan.
Resei mádeniet ministrligi «Stalinniń ólimi» kartinasyn prokatqa shyǵarýǵa 17 qańtarda ruqsat bergen. Kartina alǵash 25 qańtardan kórsetile bastaidy delingen edi, biraq 23 qańtar kúni mádeniet ministrligi ruqsatyn qaitaryp alatynyn málimdedi. Ministrlik mundai sheshimdi «bir top zańger» filmde «ekstremizm belgileri bar» degen soń qabyldaǵanyn aitady.
