AQSh prezidenti Djo Baiden ákimshiligi beisenbi kúni Reseige sanktsiia salady. Bul týraly Aq úidegi derekkózge súiengen amerikalyq aqparat quraldary habarlady.
AQSh prezidenti Djo Baiden qol qoiatyn jarlyqqa sáikes, amerikalyq bankterge Resei banki, qarjy ministrligi, Resei ál-aýqat qorynyń memlekettik obligatsiialaryn satyp alýǵa tyiym salynady. Budan bólek, on reseilik diplomat elden shyǵarylady, olardyń keibiri Aýǵanstanda Amerika áskerin óltirgeni úshin tálipterge syiaqy usyný oqiǵasyna qatysy bar dep aitylady.
Atalǵan sanktsiia AQSh-tyń reseilik kibershabýyldarǵa, Kremldiń AQSh-taǵy prezident sailaýyna kiligýine jáne Qyrym anneksiiasyna jaýaby bolmaq.
Resei barlaý qyzmeti AQSh-taǵy memlekettik vedomstvolar men qorǵanys korporatsiiasynyń kompiýterlik júieleriniń buzylýyna jaýapty retinde tanylmaq.
Naýryz aiynyń ortasynda Amerika barlaý qyzmeti Reseidiń 2020 jylǵy AQSh-taǵy prezident sailaýyna aralasýy jaily esep jariialaǵan. Sol kezde ABC News telearnasyna bergen suhbatynda Baiden Pýtin prezident sailaýyna aralasqany úshin "jaýap beredi" dep málimdegen.
Resei biligi ózge elderdiń sailaýyna aralasqanyn moiyndamaǵan.
