Qyzylordada Tuńǵysh Prezident kúni qarsańynda halyqaralyq «Baikonyr invest» investitsiialyq forýmy ótip jatyr, - dep habarlaidy QazAqparat.
Investitsiialyq forýmnyń biylǵy taqyryby - «Qyzylorda: turaqty órleý, investitsiialyq yntymaqtastyqtyq úshin jańa múmkindikter». Forým aiasynda jalpy quny 100 mlrd teńgege jýyq jobalardy júzege asyrý úshin 25 memorandým, 1 kelisimshartqa qol qoiylady. Olardyń qatarynda ónerkásip salasynda 14, agroónerkásiptik sektorda 9, memlekettik jekeshelik áriptestik baǵyty boiynsha 3 investitsiialyq jobalar bar.
«Baikonyr Invest» jyl saiyn 300-den astam sheteldik jáne otandyq biznes-kóshbasshylarynyń, investitsiialyq kompaniia basshylarynyń, ǵylymi-zertteý institýttarynyń ókilderi men ekonomikanyń túrli salalaryndaǵy sarapshylardy basyn qosyp keledi.
Forýmǵa sheteldik jáne otandyq biznes-qaýymdastyq ókilderi, investitsiialyq kompaniialardyń basshylary keldi. Olardyń qatarynda Koreianyń «K2AT», Frantsiianyń «Total Eren», Bolgariianyń «NES» kompaniialary jáne ǵylymi-zertteý institýttary ókilderi arnaiy kelgen. Sondai-aq, forým jumysyna Iran, Frantsiia, Germaniia, Makedoniia, Niderlandy Koroldigi, Koreia, Kanada, Sloveniia, Qytai, Resei siiaqty alys jáne jaqyn 10 memleketten investorlar keldi.
«Biyl investitsiialyq forým on birinshi márte ótkizilýde. Alǵash ret ol 2013 jyly qolǵa alynǵan edi. Aldyńǵy 10 forýmnyń nátijesi boiynsha 130-den astam memorandýmǵa qol qoiyldy. Oblys ekonomikasyna qomaqty investitsiia tartyldy» -, dedi oblys ákimi Qýanyshbek Ysqaqov.
Forým qatysýshylary endi «Baiqońyr» ǵarysh ailaǵyna jáne «Qorqyt ata» memorialdyq keshenin aralaidy.
