Baian Alagózova áleýmettik jelidegi jazbasynda kitap avtoryna qatysty syni pikir bildirdi. Onyń jazbasy Liaisira Marattyń jaqynda jariialaǵan «sýrrogat» týraly jazbasyna qatysty bolýy múmkin, dep habarlaidy ult.kz.
Liaisira Marat jazbasynda qazirgi qoǵamda adamdar shynaiy dúnielerdiń ornyna olardyń «sýrrogattaryn» qabyldap júrgenin jazǵan. Onyń aitýynsha, tamaqty energomodifikatsiialanǵan ónimder, áserdi jarqyn storister, jaqyndyqty hat almasý, qamqorlyqty laik, al ózin súiýdi kezekti satyp alý nemese jetistik almastyryp jatyr.
«Sýrrogat ideialar paida bolady. Ózine degen sýrrogat qarym-qatynas paida bolady. Birtindep biz bul almastyrýdy baiqamaityn bolamyz, óitkeni osylai ómir súrý ońaiyraq», – dep jazdy ol.
Avtor bul taqyryp óziniń «Liýbov k sebe» atty úshinshi kitabynda qozǵalǵanyn aityp, oqyrmandardy kitapty satyp alyp, ózderin jaqsyraq túsinýge shaqyrǵan.
Osy jazbadan keiin Baian Alagózova Instagram Stories-inde:
«Jobanyń aýqymy kóbine adamnyń aýqymynan bastalady! Sondyqtan indýstriiany bireý alǵa jyljytady, al bireý eshkim oqymaityn kitaptar jazyp, qiialyn shyndyq retinde kórsetedi», – dep jazdy.
Prodiýser budan keiin 500 myń danasy satylmaǵan kitap avtorynyń «keremettigi» týraly eshkim bilmeitinin aityp, «múmkin, kómektesý kerek shyǵar?» degen saýal qoidy.
Sondai-aq ol kitap avtorynyń óz eńbegine degen kózqarasyn synaǵandai bolyp:
«Áiel qasietti dúnieni – óziniń “balasyn” taptaǵan kezde, ol eshqashan qaita qalpyna kelmeidi», – dep jazdy.
Baian Alagózova storisinde naqty adamnyń atyn atamaǵan. Sondyqtan onyń bul jazbasy Liaisira Maratqa nemese onyń kitabyna qatysty ekeni resmi túrde aitylǵan joq.
Aita keteiik, buǵan deiin Liaisira Marattyń sýrrogat ana taqyrybyndaǵy basqa pikirleri áleýmettik jelide talqylanyp, Tursyn Alagózov oǵan jaýap bergen edi.
