بايان الاگٶزوۆا ەلەۋمەتتٸك جەلٸدەگٸ جازباسىندا كٸتاپ اۆتورىنا قاتىستى سىني پٸكٸر بٸلدٸردٸ. ونىڭ جازباسى ليايسيرا ماراتتىڭ جاقىندا جارييالاعان «سۋرروگات» تۋرالى جازباسىنا قاتىستى بولۋى مٷمكٸن, دەپ حابارلايدى ult.kz.
ليايسيرا مارات جازباسىندا قازٸرگٸ قوعامدا ادامدار شىنايى دٷنيەلەردٸڭ ورنىنا ولاردىڭ «سۋرروگاتتارىن» قابىلداپ جٷرگەنٸن جازعان. ونىڭ ايتۋىنشا, تاماقتى ەنەرگوموديفيكاتسييالانعان ٶنٸمدەر, ەسەردٸ جارقىن ستوريستەر, جاقىندىقتى حات الماسۋ, قامقورلىقتى لايك, ال ٶزٸن سٷيۋدٸ كەزەكتٸ ساتىپ الۋ نەمەسە جەتٸستٸك الماستىرىپ جاتىر.
«سۋرروگات يدەيالار پايدا بولادى. ٶزٸنە دەگەن سۋرروگات قارىم-قاتىناس پايدا بولادى. بٸرتٸندەپ بٸز بۇل الماستىرۋدى بايقامايتىن بولامىز, ٶيتكەنٸ وسىلاي ٶمٸر سٷرۋ وڭايىراق», – دەپ جازدى ول.
اۆتور بۇل تاقىرىپ ٶزٸنٸڭ «ليۋبوۆ ك سەبە» اتتى ٷشٸنشٸ كٸتابىندا قوزعالعانىن ايتىپ, وقىرمانداردى كٸتاپتى ساتىپ الىپ, ٶزدەرٸن جاقسىراق تٷسٸنۋگە شاقىرعان.
وسى جازبادان كەيٸن بايان الاگٶزوۆا Instagram Stories-ٸندە:
«جوبانىڭ اۋقىمى كٶبٸنە ادامنىڭ اۋقىمىنان باستالادى! سوندىقتان يندۋسترييانى بٸرەۋ العا جىلجىتادى, ال بٸرەۋ ەشكٸم وقىمايتىن كٸتاپتار جازىپ, قييالىن شىندىق رەتٸندە كٶرسەتەدٸ», – دەپ جازدى.
پروديۋسەر بۇدان كەيٸن 500 مىڭ داناسى ساتىلماعان كٸتاپ اۆتورىنىڭ «كەرەمەتتٸگٸ» تۋرالى ەشكٸم بٸلمەيتٸنٸن ايتىپ, «مٷمكٸن, كٶمەكتەسۋ كەرەك شىعار?» دەگەن ساۋال قويدى.
سونداي-اق ول كٸتاپ اۆتورىنىڭ ٶز ەڭبەگٸنە دەگەن كٶزقاراسىن سىناعانداي بولىپ:
«ەيەل قاسيەتتٸ دٷنيەنٸ – ٶزٸنٸڭ “بالاسىن” تاپتاعان كەزدە, ول ەشقاشان قايتا قالپىنا كەلمەيدٸ», – دەپ جازدى.
بايان الاگٶزوۆا ستوريسٸندە ناقتى ادامنىڭ اتىن اتاماعان. سوندىقتان ونىڭ بۇل جازباسى ليايسيرا ماراتقا نەمەسە ونىڭ كٸتابىنا قاتىستى ەكەنٸ رەسمي تٷردە ايتىلعان جوق.
ايتا كەتەيٸك, بۇعان دەيٸن ليايسيرا ماراتتىڭ سۋرروگات انا تاقىرىبىنداعى باسقا پٸكٸرلەرٸ ەلەۋمەتتٸك جەلٸدە تالقىلانىپ, تۇرسىن الاگٶزوۆ وعان جاۋاپ بەرگەن ەدٸ.
