QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsiniń aitýynsha, «Zerde» holdingin reformalaýdyń tiimdi tásilderi iriktelip jatyr, dep habarlaidy QazAqparat.
«Bul Esep komitetiniń usynymy ǵoi. Komitette bul usynysty talqylaǵanbyz. Bir saǵattyq jeke reportaj bar, sol jerden kórýge bolady. Ári qarai da múmkindik berse, tiimdilikti arttyrý baǵytynda jumys istei beremiz. Reformalaý týraly aitsaq, sondai tapsyrma berildi. Endi sonyń joldaryn qaraimyz. Eń tiimdi degenin Úkimetke usynamyz», - dedi Baǵdat Mýsin Májilistiń jalpy otyrysynan keiin jýrnalisterge bergen suhbatynda.
Ministrdiń aitýynsha, atalmysh másele keshendi aýqymda qaralyp jatyr.
«Esep komiteti holdingtiń 2016-2018 jyldardaǵy jumysyna da taldaý jasady. Keiingi bir jylda holdingtiń quramyndaǵy kompaniialardyń tiimdiligin arttyrý baǵytynda jumys istedik. Tiimdilikti óskenin sandar kórsetip tur. Eger Esep komiteti nusqap otyrsa, qaita otyryp, «Zerde» holdinginiń jumysyn tiimdi etý, reformalaý máselelerin qaraimyz. Qazaqstanda tsifrlandyrýmen 10-15 kompaniia ainalysady. Túrli kompaniialardyń qatysýy bizdi kúshti ete túsedi. Óitkeni árqaisysynyń óz pikiri bar. Árqaisysy óz jumysyn isteidi. «Zerde» ár tásildiń arhitektýrasyna jaýa berip kelgen edi», - dedi Baǵdat Mýsin.
