قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسينٸڭ ايتۋىنشا, «زەردە» حولدينگٸن رەفورمالاۋدىڭ تيٸمدٸ تەسٸلدەرٸ ٸرٸكتەلٸپ جاتىر, دەپ حابارلايدى قازاقپارات.
«بۇل ەسەپ كوميتەتٸنٸڭ ۇسىنىمى عوي. كوميتەتتە بۇل ۇسىنىستى تالقىلاعانبىز. بٸر ساعاتتىق جەكە رەپورتاج بار, سول جەردەن كٶرۋگە بولادى. ەرٸ قاراي دا مٷمكٸندٸك بەرسە, تيٸمدٸلٸكتٸ ارتتىرۋ باعىتىندا جۇمىس ٸستەي بەرەمٸز. رەفورمالاۋ تۋرالى ايتساق, سونداي تاپسىرما بەرٸلدٸ. ەندٸ سونىڭ جولدارىن قارايمىز. ەڭ تيٸمدٸ دەگەنٸن ٷكٸمەتكە ۇسىنامىز», - دەدٸ باعدات مۋسين مەجٸلٸستٸڭ جالپى وتىرىسىنان كەيٸن جۋرناليستەرگە بەرگەن سۇحباتىندا.
مينيستردٸڭ ايتۋىنشا, اتالمىش مەسەلە كەشەندٸ اۋقىمدا قارالىپ جاتىر.
«ەسەپ كوميتەتٸ حولدينگتٸڭ 2016-2018 جىلدارداعى جۇمىسىنا دا تالداۋ جاسادى. كەيٸنگٸ بٸر جىلدا حولدينگتٸڭ قۇرامىنداعى كومپانييالاردىڭ تيٸمدٸلٸگٸن ارتتىرۋ باعىتىندا جۇمىس ٸستەدٸك. تيٸمدٸلٸكتٸ ٶسكەنٸن ساندار كٶرسەتٸپ تۇر. ەگەر ەسەپ كوميتەتٸ نۇسقاپ وتىرسا, قايتا وتىرىپ, «زەردە» حولدينگٸنٸڭ جۇمىسىن تيٸمدٸ ەتۋ, رەفورمالاۋ مەسەلەلەرٸن قارايمىز. قازاقستاندا تسيفرلاندىرۋمەن 10-15 كومپانييا اينالىسادى. تٷرلٸ كومپانييالاردىڭ قاتىسۋى بٸزدٸ كٷشتٸ ەتە تٷسەدٸ. ٶيتكەنٸ ەرقايسىسىنىڭ ٶز پٸكٸرٸ بار. ەرقايسىسى ٶز جۇمىسىن ٸستەيدٸ. «زەردە» ەر تەسٸلدٸڭ ارحيتەكتۋراسىنا جاۋا بەرٸپ كەلگەن ەدٸ», - دەدٸ باعدات مۋسين.
