QR tsifrlyq damý, innovatsiialar jáne aeroǵarysh ónerkásibi ministri Baǵdat Mýsin interneti joq aýyldarǵa qatysty pikir bildirdi, dep habarlaidy "Ult aqparat".
«Keibir jelilerde interneti joq aýyldar men ondaǵy balalardyń shatyrǵa shyǵyp oqityny týraly habar tarady. Iá, internet máselesin bir kúnde sheship bere almaitynymyzdy túsinemiz. Bul oqiǵa Eskene aýylynda bolǵan. Ondaǵy turǵyndar sany óte az. Sol aýyldan qashyqtan oqytýǵa qosylǵysy kelgen oqýshy shyn máninde jaqyn mańdaǵy internatta oqýy tiis edi. Ol internetta qashyqtan oqytý joq, barlyq bala kúndizgi rejimde oqyp jatyr, al birneshe bala odan bas tartqan. Bul aýylda 20 úi ǵana ornalasqan jáne óte alys. Áiteýir aýyl janyndaǵy temirjol stantsiiasynan internet tartyp jatyrmyz», - dedi ministr Ortalyq kommýnikatsiialar qyzmetinde.
