Baǵdat Mýsin QR Bas prokýratýrasynyń Quqyqtyq statistika jáne arnaýly esepke alý komitetiniń tóraǵasy boldy, - dep habarlaidy "Ult aqparat" Aqordaǵa silteme jasap.
"Memleket basshysynyń Ókimimen Baǵdat Batyrbekuly Mýsin Qazaqstan Respýblikasy Bas prokýratýrasynyń Quqyqtyq statistika jáne arnaýly esepke alý komitetiniń tóraǵasy qyzmetine taǵaiyndaldy", - delingen Ókimde.
Sonymen qatar, osyǵan deiin bul komitettiń tóraiymy bolǵan Sáýle Aitpaevanyń qyzmetten bosatylǵany habarlandy.
Aita keteiik, Baǵdat Mýsin 1983 jyly 3 naýryzda Pavlodar oblysynda dúniege kelgen. Súleimen Demirel atyndaǵy ýniversitetti jáne Qazaq quqyqtaný jáne halyqaralyq qatynastar institýtyn bitirgen. 2011 jáne 2012 jyldar aralyǵynda QR BAM Memlekettik qyzmetterdi avtomattandyrýdy baqylaý jáne HQO qyzmetin úilestirý komiteti tóraǵasynyń orynbasary boldy. 2012 jyldan bastap QR Kólik jáne kommýnikatsiia ministrliginiń Memlekettik qyzmetterdi avtomattandyrýdy baqylaý jáne HQO qyzmetin úilestirý komiteti tóraǵasynyń laýazymyn atqardy. 2014 jyldyń sáýirinde "Ulttyq aqparattyq tehnologiialar" AQ Basqarma tóraǵasy bolyp taǵaiyndalǵan. Al 2014 jyldyń tamyzynda Kompaniianyń Direktorlar keńesiniń sheshimimen "Qazpochta" AQ Basqarmasynyń tóraǵasy bolyp sailanǵan edi.
