Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin aýyldarǵa internet tartý jumysy jaiynda baiandady, dep habarlaidy "Ult aqparat".
«Qazirgi kezde birinshi kezektegi mindet - halyqty internetpen qamtý. Búginde 6 459 eldi mekenniń ishinde 118 qala men 4 558 aýyl ártúrli tehnologiialar boiynsha internetpen qamtamasyz etilgen. Jyl sońyna deiin 5 331 eldi mekendi internetpen qamtamasyz etý josparlanýda. Telekom operatorlarymen birigip, internet jelisin damytý úshin elimizde eki aýqymdy joba iske asyrylýda. Birinshi joba - bul memlekettik-jekeshelik áriptestik tetigi arqyly optikalyq internetti shalǵaidaǵy aýyldarǵa tartý», - dedi ministr tsifrlandyrý taqyryby boiynsha Senatta ótip jatqan Úkimet saǵatynda.
Onyń sózine qaraǵanda, joba boiynsha 2,4 mln adam turatyn 1260-qa jýyq aýylǵa internet jelisi tartylýda. Eger 2018 jyly 56 aýylǵa optikalyq jeli tartylsa, 944 aýyl qosylatyn bolady. Bul jobaǵa 75 mlrd tengege jýyq investitsiia tartyldy. Joba aiasynda 3 700 memlekettik organ men biýdjettik mekemelerge bailanys jetkizildi.
«Ekinshi joba 250 adamnan kóp turǵyny bar 928 aýyldy 3G jáne 4G, sondai-aq basqa tehnologiia boiynsha mobildi internetpen qamtýdy kózdeidi», - dedi B. Mýsin.
