Qazaqstanda aýyldyq jerlerde meditsina sapasyn jaqsartý úshin naýqastarǵa jasandy intellekt diagnoz qoiady. Bul týraly QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin aityp berdi, dep habarlaidy QazAqparat.
Atalǵan ózgerister «Tsifrlandyrý, ǵylym jáne innovatsiialar esebinen tehnologiialyq serpilis» ulttyq jobasy aiasynda júzege asady.
«Qazirgi ýaqytta aýyl turǵyndary úshin meditsina men jalpy bilim berý júieleriniń sapasy tómendeý bolyp otyr. Iaǵni ol sapany kóterý úshin sapaly muǵalimder men bilikti dárigerler qajet. Sondyqtan, meditsinalyq máselelerdi sheshý úshin diagnostikany tsifrlyq formatta júrgizýimiz kerek. Mysaly birneshe óńirde pilottyq jobalardy júzege asyrdyq. Jasandy intellekt arqyly ókpe aýrýlaryn nemese áielderdiń aýrýlaryn anyqtaý úshin meiirbike naýqasty rentgen apparatyna alyp kelse bolǵany. Sol apparat sýreti bazaǵa júktelip, Nur-Sultannan, Almatydan nemese basqa qaladan bilikti mamandar qarap, diagnoz qoia alady. Ekinshiden jasandy intellekttiń ózi de sol sýretke taldaý jasap, óz usynymdaryn bere alady. Aldaǵy bes jylda osy tehnologiialardy engizýdi josparlap otyrmyz», - dedi ministr Ortalyq kommýnikatsiialar qyzmetinde ótken baspasóz máslihatynda.
Ministrdiń aitýynsha, mektepterde balalar kitaptardy ózimen tasyp júrmeýi úshin tsifrlyq tehnologiialardy kóbirek engizilip, kerekti materialdar tsifrlyq formatqa kóshirilip jatyr.
