قازاقستاندا اۋىلدىق جەرلەردە مەديتسينا ساپاسىن جاقسارتۋ ٷشٸن ناۋقاستارعا جاساندى ينتەللەكت دياگنوز قويادى. بۇل تۋرالى قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين ايتىپ بەردٸ, دەپ حابارلايدى قازاقپارات.
اتالعان ٶزگەرٸستەر «تسيفرلاندىرۋ, عىلىم جەنە يننوۆاتسييالار ەسەبٸنەن تەحنولوگييالىق سەرپٸلٸس» ۇلتتىق جوباسى اياسىندا جٷزەگە اسادى.
«قازٸرگٸ ۋاقىتتا اۋىل تۇرعىندارى ٷشٸن مەديتسينا مەن جالپى بٸلٸم بەرۋ جٷيەلەرٸنٸڭ ساپاسى تٶمەندەۋ بولىپ وتىر. ياعني ول ساپانى كٶتەرۋ ٷشٸن ساپالى مۇعالٸمدەر مەن بٸلٸكتٸ دەرٸگەرلەر قاجەت. سوندىقتان, مەديتسينالىق مەسەلەلەردٸ شەشۋ ٷشٸن دياگنوستيكانى تسيفرلىق فورماتتا جٷرگٸزۋٸمٸز كەرەك. مىسالى بٸرنەشە ٶڭٸردە پيلوتتىق جوبالاردى جٷزەگە اسىردىق. جاساندى ينتەللەكت ارقىلى ٶكپە اۋرۋلارىن نەمەسە ەيەلدەردٸڭ اۋرۋلارىن انىقتاۋ ٷشٸن مەيٸربيكە ناۋقاستى رەنتگەن اپپاراتىنا الىپ كەلسە بولعانى. سول اپپارات سۋرەتٸ بازاعا جٷكتەلٸپ, نۇر-سۇلتاننان, الماتىدان نەمەسە باسقا قالادان بٸلٸكتٸ ماماندار قاراپ, دياگنوز قويا الادى. ەكٸنشٸدەن جاساندى ينتەللەكتتٸڭ ٶزٸ دە سول سۋرەتكە تالداۋ جاساپ, ٶز ۇسىنىمدارىن بەرە الادى. الداعى بەس جىلدا وسى تەحنولوگييالاردى ەنگٸزۋدٸ جوسپارلاپ وتىرمىز», - دەدٸ مينيستر ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
مينيستردٸڭ ايتۋىنشا, مەكتەپتەردە بالالار كٸتاپتاردى ٶزٸمەن تاسىپ جٷرمەۋٸ ٷشٸن تسيفرلىق تەحنولوگييالاردى كٶبٸرەك ەنگٸزٸلٸپ, كەرەكتٸ ماتەريالدار تسيفرلىق فورماتقا كٶشٸرٸلٸپ جاتىر.
