«Nur Otan» partiiasynyń jaqtastary Ligasynyń qataryna media-menedjer Baǵdat Qojahmetov qosyldy. Bul týraly Baǵdat Qojahmetov óziniń áleýmettik jelidegi paraqshasynda jazdy.
«Zymyraǵan ómir, toqtamaityn ýaqyt. Jýrnalistika salasynda jáne bizneste jumys istegenime 30 jyl bolypty. Qazaqstan táýelsizdik alǵaly beri jurtpen qatar talai qyzyqty bastan keship júrmiz.
Bir aqyldy saiasatker kezinde maǵan aityp edi: - «Sen ekeýimiz pyshaqtyń qyrymen emes, ushymen júrmiz», dep. Myqty kisilermen birge «Rahat-geitti» aman esen tamamdap abyroimen aiaqtadyq. Odan keiin jer máselesi kóterilgende taǵyda óz paryzymyzdy atqardyq. Neshe túrli jaǵdailar boldy. Biraq osy eki saiasy oqiǵanyń aiaq jaǵy men úshin álde qaida basqasha bolýy múmkin edi. Jamandyqtan Qudai saqtap qaldy.
Osylardy eske alyp, ótken ketkenge qarap túsingenim – saiasatpen ainalyspasań da, saiasat senimen ózi ainalysady eken. Ózgeler saiasat sheńberinde kez kelgen adamdy qýyrshaq sekildi oinatýy múmkin. Al endi saiasatpen ainalysý úshin partiianyń múshesi bolý mindet pe? Ol da kerek shyǵar, biraq eń bastysy shynaiy azamat bolyp halyqtyń aldynda nátijeli is atqarý qajet. Asyqpai, aqylmen.
Osyndai oiǵa berilip júrgende bir qatar jigitter ɵte bilikti is-əreket jasapty. «Nur Otan» jaqtastary Ligasyn qurypty. Quryltaishylary men siiaqty biryńǵai «bezpartiinyilar». Sonysy unady. Erdi kebenek ishinde tany. Bilikti qolǵa naqty almai saiasatty ózgertý múmkin emes. Ol qaǵida. Mende memlekette bolyp jatqan dɵreki jaǵdailarǵa qatysy joq adam siiaqty qarap otyrǵym kelmeidi. Oǵan shydaý úshin júreksiz nadan, malǵun bolý kerek. Ondai bolǵym kelmeidi de bolǵan emespin. Bolashaqqa degen bir talai josparlarym bar. Jaqyndarym qoldasa ony da iske asyramyz, buiyrtsa», - dep jazady Baǵdat Qojahmetov.
