Karantin talabyn buzǵan 123 zańdy tulǵa 62,6 mln teńge aiyppul tóledi. Bul aqparatty QR Densaýlyq saqtaý ministrliginiń resmi ókili Baǵdat Qojahmetov rastady, dep habarlaidy "Ult aqparat".
«Ótken aptada Qazaqstanda Kavasaki sindromymen aýyrǵan 3 balanyń tirkelgenin aitqan bolatynmyn. Qazirgi ýaqytta Kavasaki sindromymen jáne soǵan uqsas sindrommen 11 bala tirkeldi. Biraq, aita keterligi, klinikalyq belgileri boiynsha bul indet Kavasaki sindromyna uqsas. 5 jasqa tolmaǵan balalarda óte sirek kezdesedi. Qazaqstan boiynsha tirkelgen 11 balanyń úsheýi Nur-Sultan qalasynda aman-esen emdelip shyqty», - dedi ol Ortalyq kommýnikatsiialar qyzmetindegi brifing barysynda.
Onyń aitýynsha, qalǵan balalar Aqtóbe, Qaraǵandy, Almaty qalalarynda turady. Balalardyń ekeýi 1 men 5 jas aralyǵynda bolsa, qalǵan 9 bala 5-ten 17 jastyń aralyǵynda.
«Iaǵni, 9 bala Kavasaki sindromyna naqty kelmeidi. Olar soǵan uqsas aýrý dep eseptelinedi», - dedi Baǵdat Qojahmetov.
