كارانتين تالابىن بۇزعان 123 زاڭدى تۇلعا 62,6 ملن تەڭگە ايىپپۇل تٶلەدٸ. بۇل اقپاراتتى قر دەنساۋلىق ساقتاۋ مينيسترلٸگٸنٸڭ رەسمي ٶكٸلٸ باعدات قوجاحمەتوۆ راستادى, دەپ حابارلايدى "ۇلت اقپارات".
«ٶتكەن اپتادا قازاقستاندا كاۆاساكي سيندرومىمەن اۋىرعان 3 بالانىڭ تٸركەلگەنٸن ايتقان بولاتىنمىن. قازٸرگٸ ۋاقىتتا كاۆاساكي سيندرومىمەن جەنە سوعان ۇقساس سيندروممەن 11 بالا تٸركەلدٸ. بٸراق, ايتا كەتەرلٸگٸ, كلينيكالىق بەلگٸلەرٸ بويىنشا بۇل ٸندەت كاۆاساكي سيندرومىنا ۇقساس. 5 جاسقا تولماعان بالالاردا ٶتە سيرەك كەزدەسەدٸ. قازاقستان بويىنشا تٸركەلگەن 11 بالانىڭ ٷشەۋٸ نۇر-سۇلتان قالاسىندا امان-ەسەن ەمدەلٸپ شىقتى», - دەدٸ ول ورتالىق كوممۋنيكاتسييالار قىزمەتٸندەگٸ بريفينگ بارىسىندا.
ونىڭ ايتۋىنشا, قالعان بالالار اقتٶبە, قاراعاندى, الماتى قالالارىندا تۇرادى. بالالاردىڭ ەكەۋٸ 1 مەن 5 جاس ارالىعىندا بولسا, قالعان 9 بالا 5-تەن 17 جاستىڭ ارالىعىندا.
«ياعني, 9 بالا كاۆاساكي سيندرومىنا ناقتى كەلمەيدٸ. ولار سوعان ۇقساس اۋرۋ دەپ ەسەپتەلٸنەدٸ», - دەدٸ باعدات قوجاحمەتوۆ.
