Densaýlyq saqtaý ministrliginiń resmi ókili Baǵdat Qojahmetov elde koronavirýs infektsiiasyn juqtyrý boiynsha jaǵdai kúrdelenip bara jatqanyn málim etti, dep habarlaidy "Ult aqparat".
«Búgin ǵana meniń jaqyn dosym COVID-19 juqtyryp alǵanyn estidim. Jaǵdai qiyndap ketkenshe meni mazalaǵysy kelmepti. Ókpesi 20 paiyzǵa zaqymdanǵan. Pnevmoniia», - dep jazady Baǵdat Qojahmetov Facebook-paraqshasynda.
Sondai-aq ministrliktiń resmi ókili eldegi epidjaǵdai qiyndap bara jatqanyn habarlady.
«Biz taǵy da bosańsyp kettik. Koronavirýs boiynsha sandar kóńil qýantpaidy. Kórshiles Reseidegi jaǵdai bizdiń eldegi maýsym-shilde ailaryndaǵy ahýalǵa uqsas. Tańdaý árdaiym ózimizde», - dep eskertti ol.
Aita keteiik, ótken táýlikte Qazaqstanda koronavirýs 70 adamda rastaldy. 5-11 qazan aralyǵynda indetten 22 naýqas kóz jumdy. Sondai-aq 12 qazan kúni koronavirýs belgileri bar pnevmoniianyń 4 jaǵdaiy jáne 2 ólim jaǵdaiy tirkeldi.
Elimizde indetke barlyǵy 108 901 adam shaldyqqan, onyń 104 203-i jazylyp shyqty. 1768 naýqas qaitys boldy.
