Sýret: inbusiness.kz
«7-20-25» baǵdarlamasy daǵdarysqa qarsy ári ýaqytyly júzege asyryldy. Bul týraly Ulttyq bank tóraǵasy Ǵalymjan Pirmatov aitty, dep habarlaidy QazAqparat.
«Ulttyq bank toqsan saiyn 25 mlrd, jylyna 100 mlrd teńge delingen aqparatty qadaǵalaityn bolady. Qazirgi ýaqytta bul parametrlerdi ózgertýge qatysty eshqandai jospar joq», - dedi ol Ulttyq bankte ótken brifing barysynda BAQ ókilderiniń «7-20-25» baǵdarlamasyna qatysty qoiylǵan saýalyna orai.
Sonymen qatar ol arzan ári naryqqa sai kelmeitin nesie usyný Ulttyq banktiń mindeti emestigin basa aitty.
«Is-shara daǵdarysqa qarsy jasaldy. Ulttyq bank bul baǵdarlamaǵa qatysty. Olardyń barlyǵy daǵdarysqa qarsy ári ýaqytyly edi. Bul is-sharalardan biz qalai tezirek shyqsaq, barlyq qazaqstandyqtar úshin uzaqmerzimdi tiimdirek bolady», - dedi UB tóraǵasy.
Ǵalymjan Pirmatov baǵdarlamanyń ýaqytsha bolǵandyǵyn aitady.
«Esterińizde bolsa, 2018 jyly ol jariia etilgen kezde 1 trln teńge bólinetindigi aityldy jáne bul qarajat osy jyldyń birinshi jartyjyldyǵynda taýsylýy tiis. Demek, is júzinde biz barlyq mindettemeni oryndaimyz. Ýáde berip, artynan qysqartyp tastaý degen joq. Bul baǵdarlamany únemi bolatyndyǵyn ári qarjyǵa qatysty eshqandai shekteý joqtyǵyn eshkim aitqan joq», - dedi Pirmatov.
