Tanymal prodiýser Baian Maqsatqyzy óziniń avtorlyq tosabyn shyǵaryp jatqanyn málimdedi, dep habarlaidy ult.kz.
Bul týraly prodiýser áleýmettik jelidegi paraqshasynda aityp, jańa ónimniń «Bayan Sulu Garden» dep atalatynyn jetkizdi.
Baian Maqsatqyzynyń sózinshe, tosap erekshe ári qaitalanbas retsept boiynsha daiyndalady. Ol ónimniń baǵasy da arzan bolmaitynyn jasyrmady.
«Biz qazir erekshe, qaitalanbas retseptpen tosap shyǵaryp jatyrmyz. Baǵasy qatty qymbat turady. Bul tosapty jeseń, birinshi qasyqtan jazylyp ketesiz jáne oqytylǵan. Maǵan jazyńyzdar, tek satamyn», - dedi prodiýser.
Sondai-aq ol alǵashqy ónimderin óz stilisterine syilaitynyn aityp, tosaptyń shyǵýyn atap ótken.
Prodiýserdiń «oqytylǵan tosap» jáne onyń «birinshi qasyqtan jazylyp ketetini» týraly sózi áleýmettik jeli qoldanýshylarynyń nazaryn aýdardy. Onyń bul sózdi ázil retinde aitqany nemese ónimniń ereksheligin osylai sipattaǵany videodaǵy konteksten baiqalady.
