18 460 teńgelik gúldi syilyqqa alǵan muǵalimder zańsyz syiaqy aldy dep qylmystyq jaýapkershilikke tartylýy múmkin, dep habarlaidy "Ult aqparat" Sybailas jemqorlyqqa qarsy is-qimyl agenttigine silteme jasap.
Qylmystyq kodekste muǵalimderge qatysty qoldanylatyn "Zańsyz syiaqy alý" baby bar. Endi qymbat gúl alǵan ustazdar osy bap boiynsha isti bolady.
Agenttik ókilderiniń aitýynsha, muǵalimderge "Para alý" baby aiasynda qylmystyq jaza qarastyrylmaǵan. Óitkeni olar memlekettik fýnktsiialardy oryndaýǵa ýákilettik berilgen nemese olarǵa teńestirilgen, jaýapty memlekettik laýazymdy atqaratyn tulǵalar qataryna kirmeidi. Alaida muǵalim baǵasy 18 460 teńgeden asatyn gúldi nemese syilyqty alyp, syidy usynǵan adamǵa kómektesse, qylmystyq kodekstiń 247-baby ”Zańsyz syiaqy alý” boiynsha jazalanady.
Eger óziniń qyzmettik ókilettigine bailanysty gúl syilaýshyǵa jeńildik jasamasa, 1 qyrkúiekte oqýshylardyń, ujymnyń, úshinshi tulǵalardyń muǵalimderge syilyqtar, onyń ishinde gúl shoqtaryn syiǵa tartýyna tyiym salynbaidy.
Eske salsaq, buǵan deiin oqý-aǵartý ministri oqýshylardyń muǵalimderge gúl syilaǵany qanshalyqty durys ekenin aitty.
