QR Saýda jáne integratsiia ministrligi Saýda komitetiniń tóraǵasy Erjan Qazanbaev áleýmettik mańyzy bar azyq-túlik taýarlarynyń shekti baǵalaryn qaida qaraý jáne shaǵymdardy qaida jiberýge bolatyny týraly suraqqa jaýap berdi, dep habarlaidy QazAqparat.
Birinshi kezekte, Erjan Qazanbaev áleýmettik mańyzy bar azyq-túlik taýarlaryna shekti mánderdi ákimdikter ár óńir úshin jeke belgileitinin jáne eldiń basqa óńirlerine taralmaitynyn túsindirdi.
«Shekti baǵalar týraly málimetter ashyq bolyp sanalady jáne «Ádilet» portaly men ákimdikterdiń resmi saittaryn qosa alǵanda, ashyq kózderde ornalastyrylady», - dedi komitet tóraǵasy.
Sondai-aq, Erjan Qazanbaev qandai memlekettik organdarǵa baǵanyń ósýine qatysty shaǵymdarmen júginýge bolatynyn aitty.
Birinshi arna - bul ákimdikter. Óitkeni búgingi tańda jergilikti atqarýshy organdarda saýda jelilerinde baǵa qoǵamdyq baqylaýdy tarta otyryp, saýda ústemesiniń 15 paiyzynan aspaýy úshin saýda ústemelerin, syiaqylardy baqylaý boiynsha qural bar.
Ekinshi tetik - Saýda jáne integratsiia ministrliginiń Tutynýshylardyń quqyqtaryn qorǵaý komiteti jáne komitettiń aýmaqtyq departamentteri. Sonymen qatar jaqyn arada aýmaqtyq departamentter arqyly júginý múmkindigi paida bolatyn Saýda komitetine, sondai-aq E-tutynushy platformasy arqyly júginýge bolady. Ol arqyly áleýmettik mańyzy bar azyq-túlik taýarlary baǵasyn kóteretin dúkenge shaǵym berýge múmkindik bar.
Úshinshi memlekettik organ - bul QR Básekelestikti qorǵaý jáne damytý agenttigi jáne onyń aýmaqtyq departamentteri. Olarǵa azyq-túlik ónimderiniń jasandy tapshylyǵy nemese baǵa alypsatarlyǵy paida boldy degen kúdik týyndaǵan jaǵdaida júginý kerek. Osydan keiin ákimdikter, Saýda jáne integratsiia ministrligi jáne Básekelestikti qorǵaý jáne damytý agenttigi tarapynan belgili bir den qoiý is-sharalary qabyldanady.
