Foto: Astana qalasy ákimdiginiń baspasóz qyzmeti
Astana ákimdigi Beibitshilik pen kelisim saiabaǵy resmi túrde ashylǵanyn habarlady.
20 kyrkúiekte parkte senbilik ótip, oǵan qalaǵa kontsert qoiýǵa kelgen áigili Backstreet Boys toby qatysty.
"Taza Qazaqstan" ekologiialyq ailyǵy aiasynda munda senbilik uiymdastyrylyp, oǵan ańyzǵa ainalǵan Backstreet Boys toby da atsalysty", - dep habarlaidy elorda ákimdiginiń resmi saity.
Mýzykanttar ekologiialyq bastamany jyly qabyldap, jasyl qala qurý isine óz úlesin qosýǵa qýana kelisim berdi.
Beibitshilik pen kelisim saiabaǵy – konfessiiaaralyq jáne mádenietaralyq dialogty nyǵaitýǵa arnalǵan biregei keńistik. Munda "Juldyzdy aspan" týnneli, "Ómir aǵashy" eskertkishi men satyly sarqyrama ornalasqan.
Ákimdik mundai aktsiialar búkil álem halqyn biriktiretin ortaq qundylyq ekenin eske saldy.
Aita keteri, elordada 13 qyrkúiek pen 11 qazan aralyǵynda dástúrli "Taza Qazaqstan. Astana – tazalyq pen tártiptiń úlgisi" ekologiialyq ailyǵy ótip jatyr.
