Foto: facebook.com
Keshe Almatyǵa kelgen tanymal amerikalyq top Backstreet Boys solisi Qazaqstanǵa kelgendegi áserimen bólisti, dep habarlaidy Ult.kz.
Backstreet Boys tobynyń ánshisi Aleksandr Djeims Maklin Instagram paraqshasynda Qazaqstanǵa alǵash ret kelgenin aityp, tolqyp turǵanyn jetkizdi.
"Biz dittegen jerge jettik. 32 jyl ishinde álemniń barlyq túkpirinde boldyq dep oilaýyńyz múmkin. Biraq bul bizdiń Qazaqstanǵa alǵashqy kelýimiz jáne biz munda kelgenimizge sheksiz qýanyshtymyz. Eldi zerttep, ártúrli adamdarmen júzdesip, eki ǵajaiyp kontsert ótkizýdi asyǵa kútip júrmiz. Sabyrlyqpen kútkenderińiz úshin alǵys aitamyz. Biz bul múmkindikti eshqashan jiberip almas edik jáne tolqyp júrmiz. Ózimizdi shynaiy baqytty sezinemiz. Bizdi qushaq jaia qarsy alǵandaryńyz úshin rahmet. Keshki kezdesýdi asyǵa kútemiz — bul umytylmas oqiǵa bolmaq, — dedi ol.
Aita keteiik, Backstreet Boys Qazaqstanǵa gostroldik saparmen kelip otyr. Tanymal toptyń Almatydaǵy kontsert — 19 qyrkúiek 2025, Ortaldyq stadionda ótedi. Al Astanadaǵy kontsert — 21 qyrkúiek 2025, Astana Arena-da ótedi dep josparlanýda.
Buǵan deiin amerikalyq pop-ánshi jáne aktrisa Djennifer Lopes kelip eki qalamyzda kontsert qoiǵan bolatyn.
