15 qyrkúiekte AQSh prezidenti Donald Tramp Birikken Arab Ámirlikteri men Izrail arasynda kelisimge qol qoiý rásimin ótkizedi, dep habarlaidy "Ult aqparat" Middle East Monitor-ǵa silteme jasap.
Aq úidegi joǵary laýazymdy sheneýniktiń aitýynsha, delegatsiialardy Izrail premer-ministri Biniamin Netaniahý men BAÁ Syrtqy ister ministri, sheih Abdolla ben Zaied ál-Nahaiian basqarady.
Bul rette Donald Tramp pen amerikandyq ákimshiliktiń basqa resmi tulǵalary Saýd Arabiiasy men basqa elder Ámirlikter jolyna túsetinin kútip otyr.
Eske sala ketsek, 13 tamyzda BAÁ men Izrail aldaǵy ýaqytta elder arasynda qatynastardy retteý týraly kelisimge qol qoiý nieti týraly habarlady. AQSh prezidenti D.Tramp buny «bizdiń eki uly dostarymyz arasyndaǵy tarihi beibit kelisim» dep sipattap, «úlken ilgerileý» dep ataǵan.
Palestina ákimshiligi buǵan jaýap retinde kelisimdi qabyl almai, narazylyq retinde Ábý-Dabidegi Elshisin qaitaryp aldy. Buǵan deiin Izraildiń Taiaý Shyǵys elderi arasynda tek Mysyr jáne Iordaniiamen ǵana beibit kelisimderi bolǵan.
