Elordada azyq-túlikti shekti baǵadan asyryp satqandarǵa 530 myń teńgege deiin aiyppul salynady. Bul týraly Ortalyq kommýnikatsiialar qyzmetindegi brifingte Nur-Sultan qalasynyń investitsiialar jáne kásipkerlikti damytý basqarmasy basshysy Erlan Bekmyrzaev aitty, dep habarlaidy QazAqparat tilshisi.
«Qalada un jetkilikti. Osyǵan bailanysty 1 surypty nannyń baǵasy shamamen 90-95 teńgeden aspaityn bolady. Qant baǵasyn turaqtandyrý maqsatynda áleýmettik-kásipkerlik korporatsiia arqyly taýarlyq interventsiialar júrgizilip jatyr. Áleýmettik azyq-túlik taýarlarynyń baǵasyn retteý maqsatynda Úkimet tarapynan 9 taýarǵa baǵa belgilendi. Baǵa ár aimaqqa jeke bekitildi. Bekitilgen baǵalar e-gov resmi saitynda ornalastyrylǵan», - dedi basqarma basshysy.
Onyń atap ótýinshe, ákimdikterdiń, monopoliiaǵa qarsy qyzmettiń, prokýratýra qyzmetkerleriniń, eriktilerdiń kómegimen qalanyń saýda núktelerinde tekserý júrgizilip jatyr.
Osy múmkindikti paidalanyp, barlyq kásipkerlerge baǵalar mólsherin qatań saqtaýdy jáne taǵy bir márte osy máselege basa nazar aýdarýdy ótinemin. Bekitilgen baǵadan ósirip jibergen kásipkerlerge sharalar qoldanylady. Ruqsat berilgen bólshek baǵadan asyrǵandar úshin 265 myńnan 530 myńǵa deiin aiyppul salynady«, - dedi Erlan Bekmyrzaev.
