Foto: jcomp/Freepik
Sybailas jemqorlyqqa qarsy qyzmet eldiń azyq-túlik qaýipsizdigin qamtamasyz etý, strategiialyq shikizat - astyqty jymqyrýǵa jol bermeý maqsatynda «Azyq-túlik kelisim-sharttyq korporatsiiasy» UK» AQ qyzmetinde jemqorlyq quqyq buzýshylyqtardy anyqtaý boiynsha jumys júrgizip jatyr, dep habarlaidy "Ult aqparat" Antikor baspasóz qyzmetine silteme jasap.
"Jemqorlyq deregimen Prodkorporatsiia óńirlik filialdary men vedomstvolyq baǵynysty uiymdardyń birqatar basshysy áshkerelendi.
Al astyq urlaý faktilerin jasyrý úshin para berý áreketi kezinde astyq bazalarynyń burynǵy direktory men onyń kómekshileri áshkerelendi. Sonymen qatar jasalǵan qylmysty jasyrý áreketi kezinde astyq bazalarynyń burynǵy direktory men onyń seriktesteri - para berýge áreket jasaǵandar áshkerelendi.
Qazirgi ýaqytta kúdiktiler sottyń sanktsiiasymen qamaýǵa alyndy. Sotqa deiingi tergeý júrgizilip jatyr" - delingen habarlamada.
Sonymen qatar Astana qalasynda qarjy departamentiniń direktory men «Azyq-túlik korporatsiiasy» AQ bas menedjerine qatysty tergeý aiaqtalǵan.
"Tergeý barysynda olar bidai túrinde taýarlyq nesie bergeni úshin kommertsiialyq uiym basshysynan 800 myń teńge somasynda para alǵany anyqtaldy. Aiyptalýshylar sotqa tartyldy.
Arnaiy jedel-izdestirý is-sharalary kesheniniń nátijesinde «Azyq-túlik korporatsiiasy» AQ Qostanai oblystyq ókildiginiń direktory áshkerelendi.
Ol JShS ókilinen 100 myń tonna bidai kóleminde taýarlyq nesie alý máselesin oń jáne kedergisiz sheshkeni úshin 350 myń teńge somasynda para aldy degen kúdikke ilindi. Sotqa deiingi tergeý júrgizilip jatyr" - delingen Antikor habarlamasynda.
Qylmystyq-protsestik kodeksiniń 201-babyna sáikes ózge aqparat jariia etýge jatpaidy.
Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi.
