Astanada shaýrma jarnamasyn jasamaq bolǵan blogerdiń áreketi ákimshilik qamaýmen aiaqtaldy. Ol áleýmettik jelige kontent túsirý maqsatynda sýǵa batyp bara jatqan adam týraly jalǵan kórinis uiymdastyryp, politsiia qyzmetkerin ádeii jańylystyrǵan, dep habarlaidy ult.kz egovpress telegram arnasyna silteme jasap.
Oqiǵa barysynda tártip saqshysy qaýipti jaǵdai týraly habarlamaǵa jedel áreket etip, «zardap shekken» adamdy qutqarýǵa kirisken. Keiin bul jaǵdaidyń aldyn ala uiymdastyrylǵan prank ekeni belgili boldy.
Prank avtory politseidiń áreketin videoǵa túsirip, ony shaýrma jarnamasyna paidalanbaq bolǵan. Tipti keiin QR IIM qyzmetkerine alǵys retinde otbasymen tegin shaýrma jeýge múmkindik beretin sertifikat usynǵan.
Alaida politsiia qyzmetkeri usynystan bas tartyp, blogerdiń áreketine quqyqtyq baǵa berilgen. Nátijesinde prank uiymdastyrǵan azamat 15 táýlikke ákimshilik qamaýǵa alynǵan.
Bul jaǵdai áleýmettik jelidegi haip pen jarnama qýýdyń keide zań aldynda jaýapkershilikke ákeletinin taǵy bir kórsetti. Al kópshilik jeli qoldanýshylary óz mindetine adal qarap, qaýipti jaǵdaiǵa beijai qaramaǵan politsiia qyzmetkeriniń áreketine oń baǵa berip jatyr.
