QR Ulttyq bankiniń tóraǵasy Ǵalymjan Pirmatov Úkimet otyrysynda infliatsiianyń jyl aiaǵyna deiin joǵary deńgeide saqtalatynyn málim etti, dep habarlaidy QazAqparat.
«Qazaqstandaǵy infliatsiia bizdiń boljamymyz boiynsha, naýryzdaǵy 12%-dan sáýirde barlyq komponentter boiynsha baǵa jyldam óskendikten 13,2%-ǵa deiin qarqyn aldy. Azyq-túlik baǵasynyń jyldyq ósimi 15,4%-dan 17,9%-ǵa deiin jedeldedi. Azyq-túlik taýarlary baǵasynyń ósýine qant, qyryqqabat, kúnbaǵys maiy eń kóp úles qosyp keledi. Áleýmettik mańyzy bar azyq-túlik taýarlary baǵasynyń apta saiynǵy ósýi turaqtandy. Alaida, naýryzda jekelegen azyq-túlik taýarlarǵa suranys artqandyqtan baǵanyń jyldyq ósimi joǵary deńgeide saqtalyp otyr», - dedi Ǵalymjan Pirmatov.
Aitýynsha, syrtqy infliatsiialyq fon sáýirde 10,9%-dan 11,1%-ǵa deiin jedeldep, azyq-túlikke jatpaityn taýarlar baǵasyn ósirip tur.
«Aqyly qyzmet kórsetý baǵasynyń ósýi 8,3%-dan 8,9%-ǵa deiin jedeldedi, bul birqatar naryqtyq qyzmet baǵasynyń ósýine bailanysty boldy.Táýekelderdi eskere otyryp, infliatsiia jyl sońyna deiin joǵary deńgeide saqtalatyn bolady», - dedi Ulttyq bank tóraǵasy.
